Мамандығым – тәрбиеші!

Бурбаева Алтынай Жаксылыковна,
Астана қаласы әкімдігінің
№77 «Қошақан» балабақшасы тәрбиешісі

Мамандығым – тәрбиеші!

«Мен – тәрбиешімін»!!! Осы сөздің өзі мамандықтың барлық  жағынан мағынасын ашып тұр. Бұл мамандықтың керемет сәттері, есте қалардай  қызықтары көп. Таңертең балабақшада бүлдіршіндерді қарсы алып, олардың былдырлаған сөздерін, сыңғырлаған күлкілерін, «Сәлеметсіз бе!» — деп амандасып күлімдеген жүздерін көріп қуанып күш жігер жинаймын. Әрдайым балалардың таза ықыласын, маған ұмтылған үмітке толы көздерін, жаңа нәрсе білуге құштар жанарларын байқаймын.
Ұлтымыздың,еліміздің  болашағы ертеңгі ел жанашырлары әр тәрбиеші иығында екенін түсініп білдім!
Осы негіз баланың бүкіл өміріне арқау болады екен.  Біздің біліміміздің, тәжірибеміздің, беретін тәрбиеміздің  бала үшін қаншалықты маңызды    екендігін осыдан -ақ түсінуге болады.   Бізде көпшілік бала тәрбиесі мектептен басталады деп ойлайды. Білім беру балабақша табал­дырығынан басталады десем қателеспеймін! Тәрбие мен білім – егіз.

Тәрбиеші мамандығы–барлық мадақ пен марапатқа лайық. Балабақшаға  «тарыдай» кезінде келген бүлдіршіндерді, «таудай» етіп өсіріп қасық ұстаудан бастап үйретіп, қоршаған ортамен таныстырып, ертегі кейіпкерлерін сомдап би билеп ән шырқап, әріп танып, сан жазып әр баланың жан жақты, қырларын ашып қандай қызығушылықтары бар екенін ашып, жан-жақты тұлға етіп тәрбиелеп оқытып білім беріп әдепті, таза болуды үйретіп көрсетіп бойына сіңіріп , әр балаға жол сілтеп, әрі қарай білім ордасына жетелеп балабақшамен қоштасып шығарып салады! Бұл өте үлкен жұмыс және бұл мамандыққа келген адам үлкен  ынтасы бар мықты ,білімді, тәрбиелі болуы тиіс! Өзім бұл мамандыққа балалармен жұмыс жасауды жақсы көргендіктен келдім. Менің тәрбиеші ретінде міндетім жеке тұлғаны қалыптастыруға атсалысу, жас бүлдіршіндерді білім нәрімен сусындату, оларды дұрыс ойлап, дұрыс сөйлеуіне мән бере отырып жаңа технологияларды тиімді пайдалану. Осы уақытқа дейін тәр­биеші ретінде балаларға үздік­сіз тәрбие мен білім беруде жаңартылған педа­гогикалық  технологияларды­ кеңінен қолдануға тырысамын. Себебі қазіргі заман бала­ларына жан-жақты терең блім мен тәрбие қажет етеді.

Мектепке дейінгі шақ адам өміріндегі ең маңызды ке­зең болып келеді. Өйт­кені осы кезде баланың бойын­дағы табиғи бар дарындылық жан-жақты дами бастайды.­  Сондықтан осы шақта бала­лар­мен анағұрлым жан-­жақ­ты дамытушылық әре­кеттер жүйелі жүргізілсе, жұмыс сон­­ша­лық­ты нәтижелі болады.  Бала – болашағымыз, бала – қуанышымыз. Ендеше мектепке дейінгі үздіксіз тәрбиемен, біліммен қам­ту өзімнің басты мақсат­тарым­ның бірі екенін қуана айта аламын.