«Бестемше» Ұлттық ойыннан жарыс

Смагулова Гулдана Аскаровна
Астана қаласы әкімдігі
№ 61  «Шолпан» балабақшасының
музыка жетекшісі, педагог — модератор

«Бестемше» Ұлттық ойыннан жарыс

 Мақсаты: Балабақша мен ата –аналар арасында ынтымақтастық орната отырып, өз Отанын сүйюге, қазақ екенін, Қазақстанда тұратынын мақтаныш етуге, туған халқының тілін, мәдениетін, салт – дәстүрін қастерлейтін саналы да парасаты балалар тәрбиелеу.
Көрініс: (Сахна ұлттық нақышта безендірілген. Ортада үстел, үстел басында ата отыр, қолында асықтар. Немересі кіріп келеді ,қолында «Бестемше»)
— Ата, сіз бала кезіңізде қандай ойындар ойнадыңыз?
— Ботақаным, біз көп ойнадық қой, ойын баласы болдық. Көбіне асық, Монданақ, Қындық-сындық, Тақия тастамақ, Түйілген орамал, Кетті, кетті орамал, Арқан тарту, көп қой ойындар… Балам, қолыңдағы не?
— Ата бұл «Бестемше» ойыны.
— Бұл біздің бала кезіміздегі «Бестемше» ойыны ма, әлде жаңа ойын ба?
Кәне көрсетші. (бала көрсетеді) Е-е, жарықтық ұмытылмаған екен ғой. Бестемшені көріп бала кезім есіме түсті ғой.
— Ата, бұл ойынды кімнен үйрендің?
— Маған ойынды әкем,ал әкеме менің атам үйретті.
— Ата, осы ойынды маған үйретші. (мұңайып) Бүгін біздің балабақшада үлкен жарыс. Онда ата-аналар балаларымен «бестемше» ойнайды. Мен ойынды білмеймін, сосын қатыспадым. Ата жүрші барып көрелік.
— Онда неге отырмыз, жүр барып көрейік. Сосын үйге келіп саған ойынды үйретейін. Келесі жолы жарысқа міндетті түрде екеуміз қатысатын боламыз, жарай ма, балам. (шығып кетеді)
Жүргізуші: Қазақстан, Қазақстан – алтын күн,
Жанымызда жарылқайтын жарқын күн.
Атандың сен барлық әлем тілінде,
Атыменен «Қазақ» деген халқыңның.
Армысыздар қадірменді қонақтар! Бүгінгі Республика күніне орай «Ұрпақтар үндестігі» аясында «Зияткер Отбасы» атты ұлттық  «Бестемше» ойын жарысына қош келдіңіздер!
Әкең-қазақ, шешең-қазақ, қарағым,
Сен де ұлысың мынау дархан даланың.
Әр халықта ұлттық намыс деген бар,
Оны биік қасиет деп санағын.
Бүгін біздің бақшада дүбірлі той,
Ден қойып тыңдаңыздар,көңілді қой.
«Зияткер отбасы» жарысында,
Көрейік тамашаны, сергісін бой.-дей отырып бүгінгі
«Зияткерлік отбасы» атты жарысқа қатысушыларды ортаға  шақырамыз!
№65 «Бал-бала»балабақша тәрбиеленушісі Сағат Айару Берікқызы
№85 «Мейіржан» балабақша тәрбиеленушісі: Қайырбек Алмас Батырбекұлы
№61 «Шолпан» балабақша тәрбиеленушісі: Қайырбек Балайым
№39 «Меруерт» балабақша тәрбиеленушісі: Муканова Інжу Айдосқызы
Сіздердің қошеметтеріңізбен жарысымызды ашық деп жариялауға рұқсат етіңіздер! (фанфары)
Әнұран!
Бүгінгі жарыстың қадірлі қонақтары тоғызқұмалақтан Қазақстан Республикасының жастар арасындағы аға жаттықтырушысы, филология ғылымының кандидаты, Қазақстан Республикасының Еңбек сіңірген жаттықтырушысы Шотаев Махсат Есенбекұлы,
Астана қаласының Білім беруді жаңғырту орталығының әдіскері Боранбаева Майра Сарсенхановна.
Сөз кезегі балабақша меңгерушісі Зарина Үйсенбаевна Махашеваға беріледі.
Келесі сөз кезегі тоғызқұмалақ қауымдастығының  атқарушы директоры Жандос Аббазұлына беріледі. Астана қаласының Білім беруді жаңғырту орталығының әдіскері Боранбаева Майра Сарсенхановна сөз кезегі өзіңізде.

Музыкалық сәлем. Құрметті қонақтар, жанкүйерлер мен кішкентай ойыншыларымыз, «Бестемше» ұлттық  ойыны жарысына  арнайы жазылған «Бестемше» әнін қабыл алыңыздар. Ән авторлары осы №61 «Шолпан» балабақшасының әдіскері Галина Кульджанова және музыка жетекшісі Гулдана Смагулова.Сахна төрінде еліміздің болашақ жұлдыздары, балабақша тәрбиеленушілерінің орындауында

Жарыс алаңында төрешілік ететіндер Қазақстан Республикасының Еңбек сіңірген жаттықтырушысы Шотаев Махсат Есенбекұлы және тәжірибелік алаңның ғылыми жетекшісі Құралай Қадыровна.
Ойын толқын, айналған қатты ағысқа
Табылғандай таным да, жат дауыс та.
Біреу озып келеді қатарынан,
Біреу қалып жатады асығыста.
Ойын толқын, жатқандай асып-тасып,
Біреу мығым, біреулер шалыс басып.
Бұл ойыннан өтеді ғұлама ойлар,
Жеңсең де, жеңілсең де қалма жасып.
Жарыс басталмай тұрып, кім-кіммен жарыс алаңына түсетінін  жереби-асықтар арқылы анықтайық. (жеребий жүргізіледі, қатысушылар орындарына жайғасады.)

Ойын ережесімен тәжірибелік алаңның ғылыми жетекшісі Құралай Қадыровна таныстырып өтеді.
Сіздерге сәттілік тілейміз!

Жарыс.

Жүргізуші:  «Ән көңілдің ажары» демекші, келесі кезекті әуезді әнге берейік. (Музыкалық нөмірлер)
Міне жеңімпаздарды анықтап, марапаттау кезеңіде келді. Ортаға балабақша меңгерушісі З.У.Махашеваны, Қазақстан Республикасының Еңбек сіңірген жаттықтырушысы
Шотаев Махсат Есенбекұлын, Астана қаласы тоғызқұмалақ қауымдастығының атқарушы директоры Жандос Аббазұлы Полатбековті, Астана қаласының Білім беруді жаңғырту орталығының әдіскері Майра Сарсенхановна Боранбаеваны шақырамыз.

Марапаттау рәсімі.
Финал әні: «Атамекен» —  авторы: Е.Хасанғалиев
Жүргізуші: Құрметті қонақтар, осымен біздің бүгінгі «Зияткер отбасы» атты жарысымыз өз мәресіне жетті. Еліміздің еңсесі биік, туымыздың тұғыры берік, Тәуелсіздігіміз мәңгі болғай.  Қош сау болыңыздар!