Ағаштар гүлдейді

Сарсенова Жанар Аскаралиевна
Астана қаласы әкімдігінің
№ 88 «Баян сұлу» балабақшасы педагог — модератор

 (дәстүрден тыс әдіс бойынша)
Мақсаты:  Көктем мезгілінің ерекшеліктері және ағаштардың  гүлдеуі
туралы түсініктерін кеңейту; эстетикалық сезімін қалыптастыра
отырып, дүниетанымын, ой-өрісін дамыту; бейнелеу өнеріне деген
қызығушылығын арттырып, таза, ұқыпты жұмыс жасауға
тәрбиелеу. Сурет салуда әртүрлі әдіс-тәсілдерді қолдана білуге дағдыландыру. Дәстүрден тыс әдіс бойынша сурет салу тәсілдерін бекіту;

Шыдамдылыққа, ұқыптылыққа тәрбиелеу;

Көрнекіліктер: гүлдеп тұрған ағаштардың  суреті, муляждар.

Қажетті құрал-жабдықтар: ақ түсті а4 қағаз, гуашь, бөтелке,
сүрткіш, слайд.

Сөздік жұмыс: бүршік жарады – бүршіктің  жапыраққа, гүлге айналуы.

Әдіс-тәсілі: Амандасу, сұрақ –жауап, ғажайып сәт, көрсету, түсіндіру, сурет салудың бастыру тәсілі, сергіту сәті, дидактикалық ойындар,бағалау, қортындылау.

Билингвалдық компонент: көктем – весна, гүл – цветок, ағаш — дерево.

Инклюзивтік әлеумет: іс – әрекетті  орындағанда қиналған балалардың
зейінін, есте сақтауын арттыру.

                       Кіріспе  бөлім:

         Шаттық шеңбер:

Амансың ба, Алтын Күн?

Амансың ба, Көк Аспан?

Амансың ба, достарым?

Сендерді көрсем қуанам.

Негізгі  бөлім:

         Балалардан ай атауларын, апта күндерін,жыл мезгілдерін сұрау. Балаалрдан бүгінгі ауа райы туралы сұрау. (бұлтты, ашық, жаңбырлы т.б). Арнайы дайындалған көрнекілік арқылы ауа райын сипаттау.

Көктем туралы тақпақтарын естеріне түсірту.

Көктем туралы жұмбақ жасыру

Қар, мұз еріп, су көбейіп,

Сай салаға толады.

Бүршік жарып, жарық ашып,

Гүл бәйшешек ашады.

                                                             (Көктем)

Демек балалар біздің бүгінгі оқу қызметіміздің тақырыбы «Ағаштар гүлдейді».

Көктем мезгілінің ерекшеліктеріне тоқталып, суреттер бойынша толық түсінік беру.(жер көгереді, гүлдер шығады, ағаштар бүршік жарады, жеміс ағаштары гүлдейді , құстар ұшып келеді т.б)

-Балалар, мына ағашқа назар аударайықшы. Қанадай әдемі көрініс?!Ағашына  қарандаршы гүлдер өсіп тұр. Сендер білесіңдер ме, осы гүлдерден жемістер  түйіндейді.Ол жаз бойы күн санап өсіп, үлкейе береді де, күзге қарай пісіп, дәмі тіл үйіретін жеміс  болады.

Бүгін біз гүлдеп тұрған ағаштың суретін саламыз. Бізге бұл тапсырманы орындау үшін күлгін, қоңыр  түстер қажет болады.

Ғажайып сәт: Бағбан:

-Сәлеметсіздер ме, балалар!

-Мен бағбанмын. Балалар, мен ағаштарды өсіремін, суарамын, қопсытамын, гүлге су себемін. Осының барлығын бір сөзбен айтқанда мен талдардың, гүлдердің әдемі болып өсуін қадағалаймын.

-Балалар сендер бүгін ненің суретін саласыңдар?

-Балалар, қандай керемет менде сурет салғанды жақсы көремін. Сендермен бірге сурет салуға рұқсат бересіңдер ме?

Тәрбиеші:

Сурет салу әдісіне түсінік.

-Балалар, мына суреттен нені көріп тұрсыңдар? Ендеше арнайы сендерге дайындалған бейнетаспаны қарап, гүлдің қалай салыну керек жолдарын көрсетейін. Тақтаға назар аударайық.

-Ендеше үлгіге қарап гүлдің суреттерін салайық. Екі топқа бөлінеміз.

-Бағбан, бірінші топпен сурет салыңыз, мен екінші топпен бірге сурет саламын.

Бөтелкенің түбін бастыру тәсілі арқылы  ағаштың   гүлдерін ашық күлгін түспен саламыз. 

Сосын бояуды бөтелкемен қағазға жайлап тигіземіз.. Жеңіл қозғалыспен бастыру тәсілімен  гүлдерін саламыз.

Берілген түстерді пайдаланып, тәрбиешінің көрсетуі бойынша ағаштардың  гүлінің суреттерін салады. Балалар сурет салу барысында балаларға көңілдеріне жағымды әуен қосу.

-Сурет салуды аяқтау.

Сергітусәті.
Сергіту сәтінде  іуенді тыңдап қимыл – қозғалыс  жасайды.

Тербеледі ағаштар,

Алдымнан жел еседі.

Кіп кішкентай ағаштар,

Үп үлкен болып өседі.

Дидактикалық ойын: «Кім жылдам?»

«Жыл мезгілдерін сипаттау»

Шарты: Балалар төрт топқа бөлініпарнайы дайындалған көрнекіліктер арқылы ойынды ойнайды.

–Барлық балаларға жақсы әсер қалдыру үшін қағаздан жасалған жұлдызшаларды сыйлық ретінде таратып беру және мадақтау.

   Қорытынды  бөлім:

-Балалар, сендерге сабақ ұнады ма?

-Балалар бүгінгі сабақ не туралы болды?

-Бізге қонаққа кім келді?

Балалардың жұмыстарынан көрме ұйымдастыру.

Күтілетін нәтиже: көктем мезгілінің ерекшеліктері  туралы айтады, үлгіге қарап сурет салады.

Білу керек: Табиғат туралы жалпы түсінік.

Меңгеру керек: Екі тілде «көктем» сөзін айтуды. Ағаштардың  ерекшліктері мен қасиеттерін.

Жасай алады: Ойындарды шартына байланысты ойнай алады.