Мектеп жасына дейінгі балаларды дамыту мен тәрбиелеудегі  заманауи педагогтің рөлі

Түркей Нұрсұлу Дайрабайқызы
Астана қаласы әкімдігінің
№ 88 «Баян сұлу» балабақшасы ересек «Бәйтерек» тобының тәрбиешісі

«Баланың  рухани өміріне тереңдей қарай алмаған адам нағыз тәрбиелеуші бола алмайды.»
Мектепке дейінгі тәрбие – баланың жеке бас ерекшелігін ескере отырып дамытатын орталық. Білім беру жүйесінің  алғашқы баспалдағы мектепке дейінгі тәрбие ұйымы болғандықтан  тәрбиешілерге мәдениетті , білімді , белсенді жеке тұлға тәрбиелеу міндеті жүктеледі. Заман талабы бүгінгі ұрпақ тәрбиесіне, оның  ішінде  мектепке дейінгі жастағы  сәби дамуына тәрбиеленуіне жаңаша көзқараспен қарауды қажет етеді.
Тәрбиеші – оқу-тәрбие мекемелерінде балалармен тәрбие жұмысын жүргізуші.  Жаңа заман тәрбиешісі – бұл сауатты маман, бағдарламаны және әдістемелік шараларды анықтай алатын білімді адам.
Себебі, ұрпақ бойындағы алғашқы білім мен тәрбие дағдылары дәл осы мектепке дейінгі мекемелерде, тәрбешілердің  шеберлігімен қаланады. Соңғы уақыттағы демократиялық жаңарулар  тәрбиешілердің шығармашылық қызметіне заңды түрде еркіндік берді. Тәрбиешілерге баланың  жан – жақты дамуына жоғарғы деңгейде әсер ететін  технологияны таңдау міндеті жүктеледі. Ал, ол міндетті шешетін де , жүзеге асыратын да шебер тәрбиеші яғни инноватор тәрбиеші. Ал инноватор тәрбиеші болу үшін үнемі инновациялық дамып отыру талабы тұр. Қазіргі таңда мектепке дейінгі орындарда инновациялық технологияны  ендіруге көптеп  күш  жұмсалады. Сол себепті мектепке дейінгі  ұйымдарда  педагогтардың  негізгі міндеті: әдіс – тәсілдерді дұрыс таңдау  , жаңаша педагогикалық технологияларды дұрыс қолдана білу, жеке тұлғаның дұрыс дамып  қалыптасуы үшін  жағдай жасау яғни инноватор тәрбие дәрижесіне жету. Осы ретте тәрбиешілердің жаңа бағдарламаны тиімді пайдалануы үшін олардың  кәсіби шеберліктерін шыңдап, шығармашылықпен еңбек етуіне бағыт беріп, қазіргі заман  талаптарына сай инновациялық бағытта дұрыс ұйымдастыра білу – әдістемелік жұмыста үлкен ізденіс пен жауапкершілікті талап етеді.
Менің ойымша, мектепке дейінгі ұйымдар балаға сапалы білім мен тәрбие беруі  міндетті. Ол үшін әр тәрбиеші күнделікті жоспарларын жазумен шектеліп қоймай өзін – өзі дамытып, өз жұмысына жоғары жауапкершілікпен қарап , шығармашыл болуы тиіс.Ол заман талабы, өмір талабы және өзің үшін ең бірінші қажеттілік. Өйткені ХХІ ғасыр ақпараттандыру ғасыры. Ал, ғасыр талабына талас жоқ.
«Ұстаздық еткен жалықпас, үйретуден балаға» демекші, жанын салып, баланы  тәрбелеуде жалықпай  еңбек ететін   педагогтар  қауымы – үнемі ізденіс үстінде  жүретін жандар.
Әрине мамандықтар көп. Дегенмен, өмірден көп мамандықтардың ішінен білімділікті, біліктілікті, іздемпаздықты, мейірімділікті талап ететін     тәрбиешілік  мамандық. Міне осы киелі мамандықты  жүрек қалауыммен  тандап,алдыма жан-жақты икемделген Қазақстанның болашағы қазақ азаматтарын тәрбиелеу мақсатын қойдым.  Мен  қазіргі заман педагогімін. Себебі, мен жаңалық пен жаңашылдыққа жаным құмар тәрбиешімін. Мен  қазақ елінің болашағы жалынды жастарды тәрбиелеу үшін үнемі ізденіс үстінде жүремін. Заманауи педагог  ұрпақты, жалпы адамды ізгілікке баулып,жақсылыққа тәрбиелейтін, білім беретін  тәрбиеші.
Білімді  ұрпақты, бәсекеге  қабілетті тұлғаны білімді  тәрбиешілер, жан-жақты кемел  педагогтар  ғана тәрбиелеп шыға алады. Осы  жолда менде  еңбек етудемін. Демек тек жаңашыл тәрбиеші-болашақ кепілі! Міне осы ұранмен өскелең ұрпақты сауатты да салауатты, өнерлі де мәдениетті, шымыр да ширақ етіп тәрбиелеу мақсатында күнделікті сабақты нақтылы оймен жоспарлап, әртүрлі тәсілдерді қолданып,оқушыларымды жаңалыққа жетелеп отыру – менің күнделікті жауапты ісім. Осы жауапты істі  атқаруда  дәстүрден тыс сабақ үлгілерін, оқытудың жаңа  технологияларын меңгеру, оны сабақта ұтымды қолдана білу мақсатында ұстаздық шеберлігімді арттырып келемін.
Ойымды қорытындылай келе айтарым ,сапалы білім , саналы тәрбие беру үшін педагогтың үздіксіз ізденуі , шыңдалуы , шағырмашылықпен айналысуы , білімін жетілдіруі қажет. Сондықтан ғылымдар мен технологияны ойлап табуда . Өйткені жаңа оқыту технологиялары заман талабына сай білім беру бағытын өзгертіп отырады. Сөйтіп өздігінен білім алуға , логикалық  пайымдауға талдай, қорытындылай алатын коммуникативті тұлғаны қалыптастыруға мүмкіндік туғызады.