Білім айнасы газеті Республикалық газет 
Алматы Спорт басқармасы
«Спорттағы дарынды балаларға арналған мектеп-интернат-колледж»
басшысының тәрбие ісі жөніндегі орынбасары Каршалова Айгерим Далеловна
ҚР Тәуелсіздік мерекесіне орай 15.12. күні Спорттағы дарынды балаларға арналған мектеп-интернат-колледжінің мектепшілік тәрбие жұмысының жоспары негізінде «Тәуелсіздік-тұғырым! » атты мерекелік іс-шара өткізілді. Мақсаты: 1986 жылғы Желтоқсан оқиғасының мәні мен мағынасын түсіндіру, рухани жаңғыру аясында жастарды өз халқының тарихын қастерлеуге тәрбиелеу болды. Тарихта өшпес ізі бар Қазақстан Республикасының Тәуелсіздікке жеткен жолын саралап, білім алушылардың бойындағы отаншылдық қасиеттерін қалыптастыру. Мәдени шара Қазақстан Республикасының Мемлекеттік Гимнін орындаудандан басталды. Мектеп басшысы Қазыбаев Еркін Абдрешбайұлы СДБАММИК ұжымын мерекемен құттықтай отырып әріптестерімізді Спорт басқармасының басшысы Хайруллин Ерден Рашидұлының Алғыс хаттарымен марапаттады. Сондай-ақ 7-сынып оқушыларын Республикалық бірыңғай «Жас Ұлан» балалар мен жасөспірімдер ұйымына қабылдады. Қазақстандағы барша мектеп оқушыларының басын біріктіретін «Жас Ұлан» ұйымының символикасын тақты. Қалықтаған қыран бейнеленген көк белгі, аспан және мемлекеттік ту түстес галстук тағылды. Мектеп оқушылары патриоттық әндер орындап, «Желтоқсан оқиғасы » тақырыбында көрініс көрсетіп, Тәуелсіздік жылдарындағы Қазақстан Республикасының жетістіктері туралы бейнероликтер көрсетілді. Шараға СДБАММИК әкімшілігі мен мұғалімдері және оқушылары белсене ат салысты. Көк байрағы желбіреген, бүгінгідей абыройлы да айбынды, беделді де берекелі, ынтымағы мен бірлігі жарасқан еліміздің тәуелсіздігі баянды болғай. Дәулетіміз шалқып, ауыз біршілігіміз арта берсін.
