Ұлттық  дәстүрлер 

Ахметова Райля Иболовна
Атырау облысы
Қызылқоға ауданы
Мұқыр  ауылы
«Алтын кілт» бөбекжай-
 балалар бақшасы»  КМҚК
тәрбиешісі, педагог-сарапшы

Жоба түрі: танымдық.

Жоба  ұзақтығы: ұзақ мерзімді (3ай)

Жобаға қатысушылар: Ересек топ тәрбиеленушілері, ата-аналар, тәрбиешілер.

Жобаның негізгі бағыты: балаларды өз халқының дәстүрлерімен  таныстыру.

Мақсаты: балаларды ұлттық мәдениеттің құндылықтарымен және дәстүрлерімен таныстыру.

Жоба өзектілігі: балаларды өз халқының мәдени дәстүрлерімен таныстыру арқылы өзіне  және өзгелерге деген оң көзқарасын қалыптастыру.

Міндеті: 1. Балалардың танымдық қызығушылықтарын, байқампаз-дығын дамыту.

2. Ұлттық дәстүрлерімен, мерекелерімен таныстыру.
3. Балалардың сөздік қорын мақал-мәтел, тыйым сөз, жаңылтпаштар, жұмбақтар арқылы және байланыстыра сөйлеуін дамыту.
4. Балаларды жеке адамгершілік қасиеттерге тәрбиелеу (үлкендерге құрмет, кішіге қамқорлық, жауапкершілік, әділдік, табиғатқа деген қамқорлық)

Күтілетін нәтиже:                                                                                          

1.Балалардың күнделікті  өмірінде ұлттық дәстүрлерді қолдануы.

2.Балалардың белсенді сөйлеген кезінде санамақ, жаңылтпаш, жұмбақ, тыйым сөздерді қолдана білуі.

3.Ата-аналардың отбасылық тәрбиеде ұлттық дәстүрлерді қолдана білуі.

Алдын ала жүргізілген жұмыстар:

1. Әдістемелік және көркем әдебиеттерді таңдау.
2. Ұлттық дәстүрге байланысты топтағы дамытушы ортаны толықтыру.
3. Ересек топтағы балаларды тәрбиелеуде ұлттық дәстүрлер мен мәдениетті әртүрлі формада шығармашылықпен қолдану.
4. Педагогтар мен ата-аналардың ұлттық дәстүрлері негізінде адамгершілік тәрбие беруде өзара қарым-қатынас орнату.

Жобамен жұмыс жасау кезеңдері:

Дайындық кезеңдері:

1. Ұлттық дәстүрлер туралы материалдар жинақтау.
2. Ұлттық ойындарды ойнау.
3. Ұлттық ойындарға көрнекі құралдар,атрибуттар ,дидактикалық ойын дайындау.

4.Қазақ ертегілерін оқу.

5. «Мейірімді сөздер», «Амандасу», «Қонақжайлық» тақырыптарында әңгіме жүргізу.

6.Ауыз әдебиетімен танысу.

7.Ұлттық аспаптармен танысу.

8.Ұлттық киімдермен танысу.

9.Жеті атасын жаттау.

10.Тыйым сөз, мақал-мәтел, жаңылтпаш  айту, жұмбақтар шешу.

Негізгі кезең:

1.Ұлттық дәстүрлер негізінде, бағдарламаға сай балаларды тәрбиелеу үшін іс-шаралар өткізу.

2. «Жыл басына таласқан хайуанаттар» ертегісы бойынша қойылым.
3. «Ханталапай» ұлттық ойыннан сайыс өткізу.
4. Барлық қызмет барысында фольклорды қолдану.
5. Наурыз мерекесін өткізу.
6. Ата-аналармен «Ұлттық дәстүрлер» жылжымалы папка, «Ұлттық дәстүр негізінде бала тәрбиесі» кеңес, ұлттық көрме ұйымдастыру. Отбасылар арасында ұлттық дәстүрлерді сақтау жөнінде  тәжірибе алмасу.

Қорытынды:

1.Ұлттық бұрыш жасақтау.

2. «Ұлттық дәстүрлер» презентация әзірлеу.

«Киіз үй жабдықтары» тақырыбындағы ұйымдастырылған оқу қызметінен көріністер.