Home » Жаңалықтар » Қарағанды қаласында елімізде алғаш рет Қазақ жігіттері күні аталып өтті

Қарағанды қаласында елімізде алғаш рет Қазақ жігіттері күні аталып өтті

Өткен күндері Қарағанды қаласында алғаш рет Қазақ жігіттері күні кең көлемде аталып өтті. Аталған бастаманы «Қазақ халқының мұрасы – Мәңгілік ел» кітаптар сериясы қоғамдық жобасы қолға алды. 2019 жылы осы жоба аясында қазақ халқының ұлттық құндылықтарын насихаттауға арналған Қазақ күнтізбесінің тұсауы кесілген болатын. Күнтізбеде халқымыздың салты мен дәстүрлерін насихаттауға бағытталған барлығы 20-дан аса атаулы күн белгіленіп, насихатталып келеді.
Қазақ жігіттері күніне орай қаладағы Ә.Молдағұлова атындағы олимпиадалық резервтерді даярлайтын мектеп – интернатта оқушылармен арнайы дөңгелек үстел ұйымдастылып, оқушылар «Қазақ жігіттері қандай болуы керек?, олардың ел алдындағы міндеті қандай?» және тағы басқа осы сынды сұрақтар төңірегінде ой толғап, пікір бөлісті. Шара соңында оқушылар атаулы күнге орай өздерінің жүрекжарды тілектерін айтып, ән айтып, жырдан шашу шашты.
Ал ұйымдастырушылар болса шараға белсенді қатысқан болашақ ел намысын қорғайтын жас спортшылар Берік Нұржан, Махметов Әлемхан, Абдулин Данияр мен Қуандық Мұхаммедияр, Қайыржанов Заңғарға Қазақ күнтізбесін сыйға тартып, аталған күннің жас ұрпақты тәрбиелеудегі ролінің аса маңызды екенін атап өтті. «Осы арқылы болашақ қазақ жігіттерінің бітім – болмыстары дәстүрлі қазақ қоғамының құндылықтарына негізделіп қалыптасады деген сенім мол” – дейді ұйымдастырушылар. Алдағы уақытта олар «Қазақ халқының мұрасы – Мәңгілік ел» кітаптар сериясы қоғамдық жобасы аясында «Ердің 50 міндеті» атты қазақ жігіттерінің ар-ождан қағидаларын жарыққа шығаруға әзірленіп жатқандықтарын сөз етті. Аталған күн Қарағандыда осымен екінші жыл қатарынан аталып келеді.

Ж.Ілиясова

Сіз не дейсіз оқырман?

Е-мэйлыңыз жарияланбайды.