Білім айнасы газеті Республикалық газет Оралдық Райгүл ұстаздың жеңісі
Орал қаласындағы көру қабілеті бұзылған балаларға арналған арнаулы мектеп-интернатының туризм үйірмесінің жетекшісі, қосымша білім беру педагогы Райгүл Әлмұханова «Алтын жүрек» әйел педагогтердің байқауында ІІІ орын иеленді.
Райгүл Сағынғалиқызының мектеп оқушыларымен түсірген ашық сабағы республикалық қосымша білім беру оқу-әдістемелік орталығының ұйымдастыруымен өткен балаларға қосымша білім беру бағдарламаларын іске асыратын ұйымдар арасында үздік деп танылған. Нәтижесінде «Алтын жүрек» әйел педагогтердің байқауында ІІІ орын иеленген жүлдегер 500 мың теңге ақшалай сыйлыққа ие болды.
Ұстаздың туризм үйірмесін ұйымдастыруға, балалардың бос уақытын тиімді пайдалануға сіңірген еңбегі осылайша елеусіз қалмады.
БҚО білім басқармасының баспасөз қызметі
