Құстар

Азерова Акерке Азеровна
Орал қаласындағы
№ 21 «Росинка» бөбекжайының
тәрбиешісі

Бiлiм беру саласы: «Таным»

Бөлiмi: Қарапайым математикалық ұғымдарын қалыптастыру

Тақырыбы: Құстар

Сабақтың мақсаты: Балалардың құстар мен ағаштарға қатысты көлемдік (үлкен, кіші, биік, аласа) ұғымдарын кеңейту; ойын арқылы логикалық ойлау қабілеттерін дамыту, жалпы және ұсақ қол қимылдарын жаттықтыру; заттарды санау, салыстыру, есептеу сияқты мәселелерді шешу. Құстарға қамқорлық жасауға тәрбиелеу.

Қостілдік компонент:   құс-птица.

Қажетті құралдар: құстардың дауыстары (фонограмма), құстардың суреттері,  жолақтар шыршасы бар, ноутбук қарындаш   1-ден 10-ға дейінгі сандар.

Барысы: Балаларға құстардың дауысын тыңдатады.

— Тыңдаңдаршы, нелердің дауысы?

— Балалар, бұл құстардың қайда екенін білгілерің келе ме?

Тәрбиеші: Қане, балалар, бүгін біз математикадан білімімізді көрсетейік. Ендеше қазір біз әртүрлі, қызықты тапсырмалар орындаймыз. Екі топқа бөлініп алайық: 1 топ: дөңгелек, 2 топ: үшбұрыш.

Психологиялық дайындық

Армысың, асыл күн,

Армысың, асыл жер.

Армысың, жан досым,

Армысың, көк аспан

Жылуыма жылу қос

Болайықшы жақсы дос

1-құстардын тапсырмасы:

«Қандай құс» дидактикалық ойыны.

Шарты: Құстар мен ағаштардың көлемдерін (үлкен, кіші биік аласа) анықтатады.

Балалар, есік түрткен кім екен қарайықшы?

Бізге қонаққа қарға  келіпті. Сәлеметсіз бе?

— Балалар, құстар бізге ұшып келді. Тапсырмаларын ала келді, орындап берейік.

Қарға: Балалар, санау білесіндер ме?

Балалар қарғаға санап көрсетейік, біздің балалар үш тілде санау біледі.

Онға дейін санап берейік

2-құстардын тапсырмасы: Электрондық ойын

Пішіні, түсі, көлемі бойынша орналастыр.

Үлкен үшбұрыш, үлкен шаршы, үлкен дөңгелекті орналастыр. Түсін ата?

Кішкентай үшбұрыш, кішкентай шаршы, кішкентай дөңгелекті орналастыр. Түсін ата?

3-тапсырма. Дәптермен жұмыс

Фигураларды жалғастыр.

Үш бұрыш, Дөңгелек, шаршы.

Жалғастырып жазу.

Саусақ жаттығуы. Қолымызды жылы суға жуамыз, Қолымызды жылытамыз. Әр саусақты созамыз.

Қарындашты алақан арасында дөңгелетеміз; алдымен жай, сосын тез дөңгелетеміз.

4- тапсырма. Логикалық есептер.

1. Айгүлде үш мысық, Айнұрда екі мысық. Қосқанда барлығын, Болады неше мысық? (3+2=5)
2. Жүзіп жүр 4 аққу

Ұшып жүр 2 аққу

Қосқанда екеуін

Болады қанша аққу? (4+2=6)

3. Алма ағашта 5 алма

Қандай тәтті жесе алма

Бесеуінде жеп қойсам

Қалады онда неше алма? (5 — 5=0)

5 тапсырма  Келіңдер, есептейік. Екі топқа екі түрлі есеп беріледі. Есептің шешуін қатесіз, шапшаң шығару.

Дөңгелек           Үшбұрыш

1+1=2                 2+2=4

2+3=5                 3+1=4

5-2 =3                 4-2 =2

2-1 =1                 4-1=3

Тәрбиеші: «Мен өзімді не үшін мақтаймын?» ойыны. Әр балаға өзін мадақтауды, не үшін екенін айтуды ұсынады. Балаларды құстардың барлық тапсырмасын орындағандары үшін мадақтап, ұйымдастырылған оқу                            іс-әрекетін аяқтайды.

Күтілетін нәтиже:

Нені біледі: қарапайым математикалық тапсырмаларды орындап, түсініп, балаларға құстар туралы көлемдік (үлкен, кіші) ағаштар (биік, аласа) деген ұғымдарын білуі қажет.

Қандай түсініктерді игерді: пішіндерді басқа геометриялық пішіндер арасынан тауып алады.

Меңгерген дағдылары мен іскерліктері: түсі, көлемі әртүрлі болатынын.