Білім айнасы газеті Республикалық газет Астана қаласының құрамасы lX республикалық “WorldSkills Kazakhstan-2024” чемпионатында көш бастады
Астаналық колледж студенттері “Worldskills2024” чемпионатында жоғарғы нәтижеге қол жеткізді.
14-18 қараша аралығында өткен республикалық чемпионатқа еліміздің әр өңірінен 550-ден астам студенттер 30 құзіреттіліктер бойынша бір-бірімен жарысып, біліміділіктері мен тәжірибелерін ортаға салды. Олардың арасында электромонтаж, энергетика, кірпіш қалау, шанақты жөндеу, аспаздық және ресторан ісі, IT шешімдері, WEB-технологиялар, мобильді робототехника, мехатроника, прототиптеу секілді құзыреттіліктер болды.
Барлық командалық есеп бойынша Астана қаласының студенттері 5 алтын, 1 күміс, 5 қола медальдарын, сондай-ақ кәсіпқойлық үшін 6 медальон алып еліміз бойынша командалық есепте бірінші орынға табан тіреді.
Республикалық байқаудың қорытынды кешіне ҚР Оқу-ағарту министрі Ғани Бектайұлы қатысып, барлық студенттерді жарқын белестерімен құттықтап, ел мерейін арттыра беруді тіледі.
Айта кетейік, жеңімпаздарымыз келесі жылы Данияда өтетін EuroSkills чемпионатына қатысу үшін ұлттық құрамаға кіру мүмкіндігіне ие болды.
Астана қаласы
Білім басқармасының баспасөзі
