Білім айнасы газеті Республикалық газет 
Әл-Фараби атындағы Қазақ Ұлттық университеті – Қазақстанның жетекші классикалық университеті мәртебесіне ие, Қазақстанда білім мен ғылымның ірі орталығы, инновациялық дамуының ұлттық көшбасшысы,сонымен қатар шексіз мүмкіндіктер мекені. Бұл ЖОО білім нәрімен сусындағысы келген әрбір тұлғаның дамуына,жан-жақты болуына және өзін-өзі кемелдендіруіне,студенттің көшбасшылық қасиеттерін айқындауға зор үлес қосады.Оған дәлел – әр факультеттің студенттік деканы бар, сонымен қатар түрлі ұйымдар да жетерлік. Олардың бірі қайырымдылық жасауға шақырса, екіншісі студенттердің әлеуметтік жағдайларын зерттеп, сәйкесінше көмектесуде.
Әл-Фараби атындағы ҚазҰУ маңызды ғылыми-зерттеу институттарының бірі және сонымен бірге Қазақстан Республикасының көптеген ғылыми және кәсіби салаларында студенттер мен магистранттар үшін бірегей және көрнекті оқу ортасы болып табылады. Ол әр түрлі және халықаралық оқытушылар мен студенттерді тартуға, жаһандық мәселелер бойынша зерттеулер мен оқытуға қолдау көрсетуге және әртүрлі шет елдермен және аймақтармен академиялық қарым-қатынас орнатуға тырысады. Университет қабырғасында алуан түрлі жарыстар, конференциялар, олимпиадалар өткізіліп білім мен оқуды жоғары деңгейде ілгерілетеді және өз күш-жігерінің нәтижелерін әлемге жеткізеді.
2023 жылдың 15-16 сәуір аралығында BUGIN HOLDING демеушілігінің қолдауымен «Жасанды интеллект және Big Data» кафедрасы ұйымдастырған SMART CITY HACKATHON олимпиадасы қатысушылар үшін 600 000 теңге көлемінде жүлде қорын дайындады. Бұл олимпиада студенттің талантын көрсетіп қана қоймай,сол үшін марапат алуға мүмкіндік берді. Smart City Hackathon – бұл бір ғана концепция емес,сонымен қатар ақылды қала концепциясын жасайтын технологиялық инфрақұрылымның әртүрлі комбинация жиынтығы: сандық қала, виртуалды қала, ақпараттық қала, интеллектуалды қала.Олимпиадаға қаланы ыңғайлы, қауіпсіз және экологиялық таза ету үшін жаңа технологиялар мен инновацияларды жасауға дайын студенттер іріктеліп алынды.
«Жасанды интеллект және Big Data» кафедрасы ұйымдастырған Hackathon-ның алғашқы турының 1-кезеңінде 33 студент тест тапсыру арқылы келесі кезеңге өтті.2-кезеңде 9 команда құрылып «Проблеманы көрсету және шешімін табу» тақырыбы аясында өз жобаларын көрсетті. Екінші турға ,яғни финалға 5 команда шығып,әр топ жоба қорғау нәтижесінде тиісінше жүлделі орындарға ие болды. 5-орынды «Type», 4-орынды «Big Data Avengers», 3-орынды «Hexagon», 2-орынды «Iotbek» және де басты 1-орынды «Nurik» командасы жеңіп алды.
ҚазҰУ – шынайы достық пен сыйластықтың, адамның тұлға болып қалыптасуына ықпал етіп, тұлғаның жан-жақты қабілетін ашып көрсетуіне мүмкіндік беретін білім ордасы болғандықтан мектеп бітіруші түлектерді дәл осы университетті таңдауға шақырамын.
Әл-Фараби атындағы ҚазҰУ
Ақпараттық технологиялар факультеті
Интеллектуалды басқару жүйелері
мамандығының 1 курс магистранты
Жетпісбаева Сания
Филология факультеті
Шет тілдер кафедрасының оқытушысы
Куралова Алтынқыз
