Білім айнасы газеті Республикалық газет 
Жамбыл облысы әкімдігі
білім басқармасының баспасөз қызметі
Облыстағы техникалық және кәсіптік білім беру мекемелерінде қорытынды аттестаттау іс-шарасы биыл 15-28 маусым аралағында өтеді.
Еліміздегі пандемия жағдайына байланысты колледж түлектері zhambyltipo.kz сайты арқылы мемлекеттік емтихандарын тапсырып, дипломдық жобаларын қорғауда.
Жалпы биылғы жылы облыс колледждерін 5181 студент аяқтайды. Оның 543-і дипломдық жоба қорғаса, 4638-і қорытынды емтихан тапсыруда.
2019-2020 оқу жылында Жамбыл политехникалық жоғары колледжінде 32 мамандық бойынша 2937 студент білім алса, ағымдағы жылы 20 мамандық бойынша 637 түлек оқуын аяқтап, жас маман атанады.
Аталған оқу орнының түлектері ZOOM платформасы арқылы қашықтықтан дипломдық жобаларын қорғап, мемлекеттік емтихандарын тапсыруда.
Биыл «Казфосфат» ЖШС, «Тараз энерго орталығы» АҚ, «Энерджи-Тараз» ЖШС, «Мынарал-тас компаниясы» ЖШС кәсіпорындары колледж түлектерін жұмысқа орналастыруға ниет білдіріп отыр.
