«Балабақша — бақыт баспалдағы»

Асқарова Жансая Бейсенханқызы,
Астана қаласы әкімдігінің №95 «Алматы» балабақшасы
«Апорт» ортаңғы тобының тәрбиешісі

Тәрбиеші ол өзге мамандық иелерінің арасында орны бөлек. Жас ұрпаққа мейірімі мен адамгершілік қасиетті сіңірген,  қиындығы мен қызығы мол жұмысыма ризамын. Ендігі алға қойған мақсатым  білімді балалар тәрбиелеу. «Бала жүрегі – кішкентай күй сандық. Сол сандықтың кілтін тапсаң ғана ашылады. Тәрбиешінің қолында сол кілт тұру керек» деп М. Шаханов ағамыз айтқандай, әр баланың көңілін табу, мінез-құлқын саралап, балаға қажеттіліктерін ескере отырып бала бойындағы  дарынды ашу тәрбиешінің  міндеті деп білемін. Білімді, ұлағатты ұрпақ тәрбиелеуде үлесін қоса отырып тәрбиеші шебер, төзімді, алғыр, өз ісін сүйетін болуы қажет. Үнемі ізденіс үстінде жүретін тәрбиеші баланы мектепке жіберер алдында  тәртіпті, білімді, алғыр болуына аса мән беріп  және балабақшадан үздік түлектер шығаруға  еңбек етеді.

Еліміздің ертеңі бүгінгі жас ұрпақтың қолында, ал жас ұрпақтың белсенді, білімді болуы тәрбиешілер мен мектеп ұстаздарына байланысты. Сол себепті  ұстаз жолындағы мамандар жұмыс  барысында  жауапкершілікті сезіне атқарса, бағындырар биігімізбен, жетістіктеріміз көп боларына сенемін. Балабақшада балалардың қызықты іс–әрекеттерімен тәтті қылықтары жанға жылу, күш қуат береді. Бір-бірімен жарыса сөйлегендері, үлкен адамдай сұрақтар қоюы, асыр салып ойнағандарына қарап шаттыққа бөленемін.

Баланың тілін тауып, жақын тарту, түсінуге тырысу,  жақсы тәрбие берудің өзі мен үшін үлкен ғанибет. Әр баланы жеке дара тұлға деп  қарап жүрегіне жол табу біздің еншімізде. Балалар мен ғана емес ата–анасымен де дұрыс қарым қатынас орнатып бірлесе жұмыс жасау біздің міндетіміз. Мен алғаш тәрбиешілікке келгенде балалардың сан түрлі мінез қылықтарымен қатар   қабілеттерімен де таныстым. Жас ерекшеліктеріне қарай  балалардың қабылдау қабілеттерімен олардың бойларындағы дарындылық кішкентайынан білінетінін  ұқтым. Бала бойындағы ерекшеліктерді бақылай отырып бағыт бағдар беріп, одан әрі дамыту басты мақсатым. Баланың дамуы, алғыр болуы, ортада ойын ашық айта білуі, өзіне артылған жауапкершілікті сезіне білуі, әдептілікпен тазалықты сақтай білуі біздің жетістігіміз. Өз жұмысымды  жақсы көремін және  мамандығымды мақтан етемін.