Білім айнасы газеті Республикалық газет 2017 жылдан бастап мектеп бітірушілермен бірінші кезеңде – мектептерде қорытынды аттестаттау өткізіледі. Мектеп бітірушілерге арналған бұл мемлекеттік емтихан тиісті білім беру деңгейінің мемлекеттік жалпыға міндетті стандартында көзделген оқу пәндерінің көлемін, олардың меңгеру дәрежесін айқындау мақсатында жүргізіледі.
Екінші кезең Ұлттық бірыңғай тестілеу, жоғары және немесе (жоғары) оқу орнынан кейінгі білім беру ұйымдарына түсуге арналған іріктеу емтихандарының бір түрі.
ЖОО-ға ақылы негізде түсу үшін жылына 4 рет өткізіледі: қаңтар, наурыз, маусым-шілде және тамыз. Маусым айында өтетін ҰБТ-ға мемлекеттік білім беру гранттарын тағайындау Конкурсына қатысуға тапсырады.
ҰБТ тапсыру форматы өзгеріссіз.
Маусым айында өтетін ҰБТ-ға қатысуға өтініштерді 2020 жылдың 15 сәуірнен бастап мамырдың 10-на дейін онлайн қабылданды.
ҰБТ облыс бойынша Ақжайық, Бөрлі, Жаңақала, Жәнібек, Казталов, Қаратөбе, Сырым аудандары орталығында және БҚМУ, БҚАТУ-да орналасқан 9 тестілеу пунктінде өтеді.
Барлық тестілеу пункттерінде тестілеудің өту барысында ҰБТ – ы өткізу технологиясы сақталады.
ҰБТ-ны айқын және объективті өткізу үшін барлық жерде металл іздегіштер, ұялы телефондардың сигналдарын тұншықтыру және бейне бақылау қондырғылары қолданылады.
ҚР «Білім туралы» заңының 6-бабына сәйкес, облыстың жергілікті атқарушы органы білім алушылардың ұлттық бірыңғай тестілеуге қатысуын ұйымдастырады.
ҰБТ ағымдағы жылдың 20 маусым мен 5 шілде аралығында өтеді.
2020 жылғы мектеп бітірушілер саны облыс бойынша- 5 142, соның ішінде ұлттық бірыңғай тестілеуге қатысуға өтініш білдіргендер 4 366.
ҰБТ бойынша түсіндіру жұмыстары БАҚ, интернет ресурстарда, Facebook, Instagram әлеуметтік желілерінде жүргізілуде.
Білім басқармасының bbdo2020 парақшасында 11 cынып оқушыларына арналып ҰБТ-ға он-лайн дайындық жұмыстары ұйымдастырылуда.
БҚО білім басқармасының баспасөз қызметі
