Абай туралы ой толғау.

Ақмола облысы, Бурабай ауданы
МКҚК «Ақбота» бөбекжайының
                        ІІ санатты тәрбиешісі
                                            Рспекова Айгуль Карабаевна

Асыл  сөзді  іздесең,
                                                                                          Абайды  оқы,  ерінбе,
                                                                                          Адалдықты  көздесең,
                                                                                           Жаттап  тоқы  көңілге.
С.Торайғыров. 

        Қай  елдің  болсын  мақтан  тұтар  ұлдары  болатыны  белгілі.  Міне, қазақ  халқының   осындай  бір мақтан тұтар  ұлдарының  бірі  ғұлама   ойшыл, әрі  бір  туар  ұлы — Абай  Құнанбаев.  Абай  атамыздың  қай  еңбегін  алсақта,  жас буынға, болашақ  ұрпаққа  берері  көп, үлгі,  өнеге  деп  есептеймін.  Ол  кісінің  өмірі  мен  шығармасы  қазақ  елі  үшін  әлі  күнге  дейін  биік, әрі  болашақтың  жарқын  бағдары  болып  келеді.  Абай  атамыз  көркемдік  ойлау, бейнелеп  айту,  суреттеу  тәсілі  мүлде  жаңа,  даралық  стилі  еркін,  икемді,  поэзиядағы  дайын  үлгілерді  қайталамайды.   Қазақ  поэзиясының  бәйтерегі.  Абайдың  өлеңдері  қоғам  шындығын  көрсетуге,  адамның  бойындағы  жағымсыз,  келеңсіз  мінездерді  сынауға  арналады . Мысалы, «Ғылым таппай , мақтанба» өлеңінде  ақын осылай  бейнелейді.   Сонымен  қатар  аударма  еңбектерімен де шұғылданған . Орыс  әдебиетінен  аударған,  олардың  ішінде  ерекше  көңіл  бөлгені:  И.А.Крылов мысалдары.  А.С. Пушкин,   М.Ю.  Лермонтов  шығармалары.  Абайдың  қара сөздері  сыншыл,  ойшыл,  көбіне  адамгершілік  мораль  мәселеріне  арналған  өсиет, толғау.  Көлемі  шағын,  мазмұны  мағыналы  терең.  Кейбіреуі  сұрақ  түрінде,  өз-өзімен  сырласу,  оқырманмен  кеңесу түрінде  беріледі.  Соның  ішінде  менің жаныма жақын, жатталып  қалғаны « Өзің  үшін еңбек  қылсаң, өзі  үшін  оттаған  хайуанның  бірі  боласың;  адамдықтың  қарызы үшін  еңбек қылсаң,  алланың  сүйген  құлының  бірі  боларсың»  Абай  атамыз композитор,  әрі   сазгер.  «Жаяу  Мұса», «Біржан сал», «Ақан сері», « Тәттімбет»  күйлерін  сүйіп  тыңдаған.  Бала  кезімізде  әке-анамыздан  естіген, есімізде  қалған  әндерінің  бірі- «Көзімнің  қарасы».  Абай  әндері  ескірген  жоқ, керісінше  әлі  де айтылып  жалғасуда.                                           «Адам өмірінің  мақсаты-  кемелдену  мен  жетілу»,- деп  айтқан  Абай  Құнанбаев.

Менің түсінігім бойынша,  мысалы біз  спортпен  шұғылданып, денемізді, күш-қуатымызды  жетілдірсек,  ал  ғылым-білім  өнерге  үйрену  арқылы  ой-өрісімізді  жетілдіреміз .  Сол  үшін  де  жас  ұрпақтың  бойына  Абай  атамыздың  шығармаларын  сіңірсек,  рухани  қайта жаңғырып,  болашақта  білім,  ғылым,  өнерді  сүйген  азаматтар  шығады  деп  сенемін.  Сөзімнің  соңын   «Абай-  кестелі  сұлу  сөздің  иесі, көркем  әдебиеттің  темір  қазығы,  өшпейтін  жарық  жұлдыз»- деп  аяқтаймын.