Білім айнасы газеті Республикалық газет 
Әл-Фараби атындағы Қазақ Ұлттық университеті еліміздегі алдыңғы қатарлы жоғары оқу орындарының бірі. Мұнда білім алу және бұл оқу ордасының түлегі болу кез-келген талапкердің арманы десем қателеспеймін. Бірақ, бұл арманның барлығында бірдей орындалмайтыны өкінішті. Адам өміріндегі маңызды таңдаулардың бірі – мамандық таңдау. Мамандық таңдау өмірдегі қателесуге болмайтын үш таңдаудың бірі болып табылады. Мамандық таңдағанда өзіңе ұнайтын, жаныңа жақын мамандықты таңдаған дұрыс деп есептеймін. Мен де өзімнің жаныма жақын мамандықта оқып жатырмын. Мамандығым «Интеллектуалды басқару жүйелері» .
Қазіргі таңда мен білім алып жатқан «Жасанды Интеллект және Big Data » кафедрасы бойынша бакалавр дәрежесінде «Интеллектуалды басқару жүйесі», «Деректер инженериясы», «Деректер туралы ғылым» мамандықтарын, магистратура дәрежесінде «Интеллектуалды басқару жүйелері», «Машиналық оқыту» және «Бизнес талдау және Big Data», докторантура үшін «Интеллектуалды басқару жүйелері», «Автоматтандыру және IOT», «Медицина саласындағы жасанды интеллект» мамандықтары бойынша білім береді.
Әл-Фараби атындағы ҚазҰУ-ды таңдаудың себептері өте көп. Солардың кейбірін атап өтетін болсам: білім беру үрдісі ; үш тілде білім беру жүйесі; жоғарғы оқу орнына дейінгі бейіндік мектеп және колледж жұмыс жасайды; шетел азаматтары білім алуына жағдай жасалған; Республика деңгейіндегі олимпиадалар, конкурстар, конференциялар және т.б. іс-шаралар өткізіледі. Университеттің өзінің табиғаты тамаша қалашығы және әрбір факультеттің өз жатаханасы бар. Қалашықта үлкен кітапхана, студенттер сарайы және интернет орталығы орналасқан. Университетте студенттік кезеңді қызықты өткізу үшін көптеген ұйымдар, үйірмелер және “Керемет” студенттерге көмек көрсету орталығы, кинотеатр жұмыс жасайды.
Осы сияқты, ҚазҰУ-дың артықшылықтары өте көп. Академиялық ұтқырлық саясаты бойынша, ҚазҰУ-да студенттердің білімін арттыру мақсатында шетелдік университеттерде білім алуға мүмкіндік беріледі. ҚазҰУ студенттеріне қойылатын басты талаптардың бірі – өзіндік жұмыстар, үнемі ізденісте болу, өзіңді дамытып отыру болып табылады.
ҚазҰУ-дың есігі талапкерлерге үнемі ашық. Осындай тамаша университетте оқып, білім алып жатқаныма қуанамын және сіздерге де осында оқуға кеңес беремін
Әл-Фараби атындағы ҚазҰУ
Ақпараттық технологиялар факультеті
Интеллектуалды басқару жүйелері
мамандығының 1-курс студенті
Киимбаев Ақберді
Әл-Фараби атындағы ҚазҰУ
Филология факультеті,
Шет тілдер кафедрасының оқытушысы
Құралова Алтынқыз
