Көңілді жаз!

Мұнайлы ауданы
«Өнер балалар мектебі» МКҚК
қарасты «Батыр» аула клубы
Қосымша білім педагогы:
Табынбаева Жауказын Бердибаевна

Жайдарлы жаз мезгілі де келіп жетті. Жаз – балалардың ең сүйікті мезгілдерінің бірі. Осы жаз мезгілінің көңілді және қызыққа толы болып өткенін әрбір бала қалайды. Сондықтан көп балалар ата-әжесінің ауылына кетіп жатады, ал кей бір балалар түрлі қосымшалар мен үйірмелерге қатысып жатады.

Ондай балаларға бос уақытын тиімді пайдалану үшін аула клубтарда бар. Сондай аула клубтардың бірі Мұнайлы ауданы, Батыр ауылында орналасқан «Батыр» аула клубы. Аула клубта «Домбыра» үйірмесі, «Сурет» үйірмесі, «Қолөнер» үйірмесі, «Қолкүрес» үйірмесі, «Хореография» үйірмесі, «Вокал» үйірмесі және «Қызықты психология» үйірмелері бар. Қазіргі таңда осы үйірмелер бойынша 355 баланы қамтып отыр. Аула клубта жылдық жоспар құрылғын. Соған сәйкес түрлі іс-шаралар мен мерекелік кештер өткізіп тұрады. Жаздық жоспар бойынша үйірме қатысушылар маусым айының 21 жұлдызында «Теңізге саяхатқа» шықты. Жоспар мақсаты: Балалардың қызыққа толы балалық шықтарының тағы бір күнін есте қалаларлықтай етіп өткізу.

Үйірмеге қатысушы оқушылар теңізге шомылып, бойларын сергітіп, түрлі қызықты ойындар ойнап, күнді көңілді өткізді.

«Қолкүрес» үйірмесінің жетекшісі мен оқушылары спорттық ойындар ойнап, күштерін сынаса,  «Сурет» үйірмесінің оқушылары көк теңізге қарап отырып,  қарт Каспидің тоқындарын бейнеледі. Ал «Хореография» үйірмесінің оқушылары болса ашық аспан астында би биледі. Балалардың теңізге саяхаты көңілді өтті. Теңізден келгенде балалар мәз-мейрам болып қызықты сәттерін айтып бір-бірімен бөлісті.

Аула клубта балалар домбыра шартіп үйренеді, сурет салудың әдіс-тәсілдерімен танысады, би билеп, ән айтып үйренеді сонымен қатар жаңа достар табады, жаңа ортамен араласады. Осылайша жаз мезгілін көңілді өткізіп жаңа оқу жылына құштарлықпен, ынта-ықыласпен барады.