Артық, кем, тең таңбалары

Әбдіразақова Салтанат Ақылбекқызы
Маңғыстау облысы
Маңғыстау ауданы
Шетпе селосы
«Шетпе психологиялық -педагогикалық түзету
кабинеті» мемлекеттік мекемесінің
мұғалім-дефектологы 

Сабақтың мақсаты:

Білімділік: Балаларға 1-ден 10-ға дейінгі сандарды тура және кері санауға, сандардың орны мен көршісін таба алуға үйрету. Артық, кем, тең таңбаларын ажыратуға және осы таңбалар арқылы сандарды, амалдарды  салыстыруға үйрету.

Түзете-дамытушылық: Балалардың қарапайым математикалық түсініктерін, логикалық ойлау және есте сақтау қабілетін, ұсақ қол моторикасын дамыту.

Тәрбиелік: Балаларды ұқыптылыққа, жылдамдылыққа, шыдам-дылыққа тәрбиелеу.

Көрнекілігі: 1 -10 дейінгі сандар, плакаттар, үлестірмелі карточкалар, шарлар, «артық, кем, тең» таңбалары, суреттер.

Сабақтың барысы:                                                                                         

I. Ұйымдастыру кезеңі:                                                            

Шаттық шеңберін құру.

Шеңбер болып тұрайық,

Алақанды ашайық.

Күннен жылу алайық,

Жүрекке жылу салайық.

Жиналған жылы шуақты,

Бір – бірімізге сыйлайық               

— Балалармен амандасу (– Сәлеметсіздер ме! Балалар!).

— Балаларды орнына отырғызу, назарын сабаққа аудару,  көңіл-күйін сұрап, сабаққа ынтасын арттыру ( —Қалам мен дәптерлеріңді партаға шығарып, маған қараңдар).

— Бүгінгі күннің жады мен аптаның қай күні екенін сұрау (—Балалар, бүгін қай күн? Аптаның қай күні?).

— Ал, ендеше, балалар бүгінгі сабағымызды бастаймыз, кім сабаққа белсенді қатысып отырса сол балаға сыйлығым бар.

Үй тапсырмасын сұрау.

II Жаңа сабақ                                                            

— Балалар, бүгінгі түзете-дамыту сабағымыздың тақырыбы: «Артық, кем, тең таңбалары» деп аталады.

Тақтамен жұмыс:

— Ал, балалар, мына тақтадағы сандарды тура және кері ретпен санап шығайық.

1, 2, 3, 4, 5, 6, 7, 8, 9, 10.

10, 9, 8, 7, 6, 5, 4, 3, 2, 1.                                    

— Балалар, енді мына сандарға қараңдаршы. Бұл сандар ретімен тұр ма, кім біледі?

2, 5, 9, 4, 1, 3, 6, 7, 10, 8.                           

— Жоқ, апай.

— Ендеше сендер сандарды ретімен атап беріңдерші.                                                                           

 – 1, 2, 3, 4, 5, 6, 7, 8, 9, 10.                                 

— Балалар, мына таңбаларға қараңдаршы, бұлар қандай таңбалар?

Бұл таңбалар сандар мен амалдарды  салыстырғанда қолданылатын «>» — артық, «<» — кем, «=» — тең таңбалары. Екі санның арасында «>» таңбасы тұрса, онда ол артық таңбасы, егер екі санның арасында «<» таңбасы тұрса, онда ол кем таңбасы, ал егер екі санның арасында «=» таңбасы тұрса, онда ол тең таңбасы.

III. Жаңа сабақты бекіту.                                         

1-тапсырма. «Кім жүйрік?»

Үлестірмелі карточкалардағы сандардың көршілерін дәл тауып  және жылдам жазу.

…3…   …5…   …8…   …6…   …9…   …7…   …4…   …2…   …10    1…

2-тапсырма. «Орны ауысқан вагондар » ойыны.                               Ойынның мақсаты: есептерді дұрыс шығару және вагондарды орнына қою арқылы балалардың логикалық ойлау қабілетін дамыту.                            Ойынның шарты: үлестірмелі карточкалардағы есептерді дұрыс шығару арқылы поездың шашылған вагондарын ретімен бір қатарға жинап шығу.  

1. Сергіту сәті. «Көңілді күн» әуеніне билеу
2. Жылдамдыққа тапсырма.

3-тапсырма. Үлестірмелі карточкалардағы есептерді жылдам шығару. 5   5        8   4          9  9        7  7              2*5     2*4             3*5   3*7

3  3         6   4          4  2       9  4               2*2     2*6             3*8   3*4

4  2         8   8          3  6        4  8              2*3     2*3             3*6   3*6

1. Қорытындылау.

4-тапсырма. Суреттерді салыстыру.

— Бүгінгі  сабақ  сендерге  ұнады ма, балалар? Бүгінгі сабақта қандай таңбалармен таныстық?

VII. Үйге тапсырма. «>», «<», «=» таңбаларын дәптерлеріңе екі жол етіп жазып келіңдер. Дәптерлеріңе жазылған  есептерді шығарып келіңдер.

VIII. Бағалау. (Балаларды мақтап-мадақтау)