ҚАЙЫРЫМДЫЛЫҚ – ҚАДІРЛІ ІС

«№102 ЖББМ» КММ қазақ тілі пәнінің
мұғалімі Канатова Акмарал Бауржановна

«Адамның әуелден тоқымашы немесе хатшы болып тумайтыны сияқты, қайырылымдылық пен жаман қылықтылық та адамға әуел бастан жаратылысынан дарымайды»,- деп Әбу Насыр Әл-Фараби немесе хакім Абай Құнанбаевтың  «Адам ата-анадан туғанда есті болмайды: естіп, көріп, ұстап, татып ескерсе, дүниедегі жақсы, жаманды таниды дағы, сондайдан білгені, көргені көп болған адам білімді болады. Естілердің айтқан сөздерін ескеріп жүрген кісі өзі де есті болады. Әрбір естілік жеке өзі іске жарамайды. Сол естілерден естіп, білген жақсы нәрселерді ескерсе, жаман дегеннен сақтанса, сонда іске жарайды, сонда адам десе болады». Айтылған дана сөздерден ой түйіндейтін болсақ адамның қандай болып өсері, бойындағы адамгершіліктің көрініс табуы тікелей адамның өзіне, қоршаған ортасына байланысты.

Қайырымдылық – мұқтаж жандарға көрсетілер нақты көмек, ізгіліктің анық көрінісі, адамның асыл қасиеті. Кіснің айналасындағы адамдарға танылатын тамаша қыры да қаншалықты қайырымды екендігінен байқалады.

Адам ұрпағына қайырымдылқты жастайынан үйретіп, адамгершілік қасиеттерге баулуға ұмтылады. Алайда мың құбылған дү­ниеде табысын біреумен бөліспек түгілі өз басын асырай алмай жүр­гендер де баршылық. Деген­мен,  олардың терістеу тірлігінен гөрі, жақсылардың шарапаты өмір­дің өзін әдемі көрсетеді. Жү­регінде иманы бар жұрт қолынан келгенше қа­сиетті парыздың бірін қайырым­дылық деп біледі.
«Бес нәрсенің қадірін біл. Олар: өлімнен алдын өмірдің, ауру келмей денсаулықтың, әурешіліктен бұрын бос уақыттың, зағиптықтан бұрын жастықтың, кембағалшылықтан бұрын байлықтың қадірін біл»  деген.

Аста-төк болмаса да азын-аулақ табысының өзін өзгелермен бөлісіп жүретін жаз дидарлы жан­дарды көргенде,  жүрегің жібіп сала береді. Сауапты істің сан соқтыр­майтынын білетін елдің бір бөлігі қолындағы барын бөлісіп келеді.

Олай болса, рақымды, мейірімді, жан жылуы мол азаматтарға, Алматы қаласы бойынша экономикалық тергеу департаменті, Жетісу аудандық Білім бөлімінің басшысы Салтанат Амангелдіқызы ұсынған жаздық киім-кешек Алматы қаласы Жетісу ауданына № 102 жалпы білім беретін мектебінің көпбалалы, аз қамтылған отбасыларына үлестірілді. Қазақ халқы үнемі қамқорлық танытқан жанға ыстық ықыласын білдіруден аянбайды. Мектебіміздің ата-аналары экономикалық тергеу департаменті ұжымына және Жетісу аудандық білім бөлімінің басшысы С. А. Кусаиноваға, Жетісу аудандық білім бөлімінің мамандарына осындай ізгі істері үшін ризашылықтарын білдіреді.

Мұның бәрін тілге тиек етіп отыр­ған себебіміз, осы өмірде қан­дай да бір игілікті, қайырымды істеріміздің сыйы – біздің бақытты болашағымыз, мейірімді де, сыпайы шәкірттеріміз. Жақсылық­тың қайтарымы көп болады.