Білім айнасы газеті Республикалық газет Қашықтықтан білім беріп біз бастадық,
Болашаққа жарқын бір із тастадық.
2003те басталған бұл жүйені,
Карантинде ұстаздар біз қоштадық.
⠀
Интернет Технология бұл заманда,
Жетісіп, дамып кетсек ол жаман ба?
Уақытыңды үнемдеп үйренесің,
Электронды оқулық көп бұл ғаламда.
⠀
Балалар жүйрік екен заманында,
Үйренген ғой жаңа ғасыр талабына.
Интернеттен бақылайтын бар әлемді,
Роботтар басқаратын заман мұнда.
⠀
Ұстаздарда программаны меңгеруде,
Білмей қалу ұят қой кем көруге.
Видеома, қойылымба бар сабақты,
Жүйеге сап үлгеріп теңгеруде.
⠀
Мектеп еду құлағында ойнап жүрміз,
Сабақты балалардан сұрап тұрмыз.
Керек десең БЖБ, ТЖБны,
Уақытымен үйретіп, біз ап жүрміз.
⠀
Бұл жүйені арнайы оқытып жүр,
Ұстаздарды қыр-сырына тоқытып жүр.
Универмен колледждегі системаны,
Мектепте карантинде қолданып тұр.
⠀
Оқушылар ұстаздарын сағынды,
Ватсаптан сан видеолар ағылды.
Ұстаздарда шәкірттерін еске алып,
Мектепті ойлап сансыз ойдан арылды.
⠀
Білім жолы әрқашанда ұлы жол,
Талап етер терең оймен еңбек ол.
Инеменен құдықты бір қазғандай,
Жалқаулармен шыдамсызға болмас қол.
Толжанова Римма,
Ақтау қаласы
#23 мектеп ағылшын тілі пәні мұғалімі
Ақтау қаласы
#23 мектеп ағылшын тілі пәні мұғалімі
