Зерек бол!

Шуренова Гульмира Дандибаевна
Маңғыстау облысы  Түпқараған ауданы
Ақшұқыр ауылы
Ақшұқыр мектеп лицейінің
бастауыш сынып мұғалімі

Тақырыбы:  Зерек бол!

Мақсаты: Математика сабақтарында оқушылардың функционалдық сауаттылығын арттыру;
Өтілген материалдар бойынша оқушылар білімдерін тексеру, пәнге деген қызығушылықтарын арттыру, өй-өрісін ламыту.
Түрі: біріктірілген сыныптармен топтық сайыс
Көрнекілік:  Презентация, тарату материалдары, қанатты сөздер.
Жүргізуші: Қош келдіңдер  әріптестер, есеп сүйер жас тарландарым, бүгін сіздермен математика сабағынан өтілген материалдар бойынша білімдеріңізді  сынға салатын «Зерек бол» сайысын өткізбекпіз. Сайысқа қатысушылар 2а, ғ сыныптары. Осы сайысымызға төрелік ететін әділ қазыларымызды сайлап алайық.
Жүргізуші:  Сырын ашып беретін әр ұғымның,
Ғажап сырды осыдан сен ұғындың.
Қиыны мен қатар тұрар қызығы,
Математика – патшасы сан ғылымның.- дей келе  математиканың сырын Жағымды көңіл күй туғызудан бастайық. Мынау әріптер не айтар екен?
«Математиканың сөздіктері» Көрсетілген әріпке қарап, сол дыбыстан математикалық термин айту
А – азайту, азайғыш, азайтқыш, айырманың мәні, ауыстырымдылық қасиет;
Б — бұрыш, бөлу, бүтін, бөлшек
Ж — жақша, жазық фигура
Д – дөңгелек, доға
К- кесінді, көбейту
Қ- қосу, қосылғыш, қосындының мәні
Р- ребус, реті, ромб
С- сызық, сынық, сызғыш, салыстыру, сәуле
Т- теңдеу, теңдік, теңсіздік, тура теңдік, түзу, түбір, терімділік қасиет
Ш-шарты, шешуі, шеңбер, шешу
Жүргізуші:  Жарайсыңдар ендеше сіздерге теңдеу беремін. Сол теңдеудің бірдей түбірлері арқылы топқа бөлінеміз
І топ: түбірі 28 болатын
ІІ топ: түбірінің ондығы әртүрлі, бірлігі 4 болатын
Жүргізуші:  Математика ғылымдар патшасы деп,
Мойындаған бар ғылым жер шарында
Сол қағида тағы да дәлелденбек,
Бүгінгі кеш бағдарлы жоспарында дей отырып сайысымыздың шартымен танысайық

1. Бәйге
2. Ұшқыр ой
3. Таптырмас түйін
4. Жорға

Жүргізуші:  Қарап тұрмай бәйгеге сіз еніңіз,
Сұрақтардың нақ шешімін беріңіз.
Жүзден жүйрік, мыңнан тұлпар шығарар,
Бәйге, бәйге, бәйгелерді көріңіз,-дей келе біздің сайыскерлерімізді алғашқы «Бәйге» айналымындағы сұрақ — жауаптарға береміз. Назарларымызды экранға бұрып ұяшық  таңдап сұрақтарға жауаптың ұпайларын өзімізге еншілейік

1. 100 асықтың 30 — ын,
   Досым сұрап алды
   Айтшы сонда нешеуі
   Өз қолымда қалады
2. Аулада 60 үйрек ,

Қорада 20 үйрек.

• йрек тығылды,
• йрек жығылды.
  Қалғаны неше үйрек?

3. Бір-бірімен жарысқан,
   Төрт аю, бір арыстан.
   Екі қой мен бір түлкі,
   Бәрі нешеу кім білді?

4. 6 аламаның 2 — ін
   Досың сұрап алады.
   Айтшы сонда нешеуі
   Өз қолыңда қалады?
5. Ең үлкен екі таңбалы сан?
6. 6 ондық 9 бірлік қандай сан?
7. Екі қойдың неше аяғы бар?
8. 1центнер мақта ауыр ма?

1 центнер темір ауыр ма?

9. Мен бір сан ойладым, егер одан 20- ны азайтсақ, нәтижесі 50 болады
10. Айшаның бойы 15дм, ал Сәлиманың бойы одан 1дм биік.Сәлиманың бойы қанша?

Табақта 55 алма
Қолымда 5 алма,
Айтшы сонда
Болады неше алма?
Жүргізуші:  Тереңінде жатады ма бір сиқыр,
Ол нәрсе емес ойлап көрсең жай жылтыр.
Математика – ақыл-ойдың иесі,
Ес тандырып баурап алар сан цифр. Ендеше  «Ұшқыр ой» айналымына кезек берейік.

1. Кестедегі сандар қатарын зерттеп, оларды салыстыр. Артық қатарды көрсет

2. 14+13, 24+13, …………….. 74+13

60-30+10,     70-40+20, ……………….  90-60+40

50+30-10,     60+40-20, ……………….   80+50-40

26-17,   36-17, ………………96-17

Жүргізуші:  Математика, математика қандай қиын
Ойламасаң шешілмейді ешбір түйін
Амалдардың тек қана көмегімен
Орындалар сансыз көп байлам түйін- дей келе «Таптырмас түйін» айдарына кезек береміз

Жүргізуші:  Болашақ білім — ғылым тұтқасында,

Есіне мұны әркім  ұстасында

Заманның компьютердей кезеңінде

Математика тағы тұр көшбасында дей келе  келесі  «Жорға» айдарына кезек беріп жұмбақ есептерімізді шешейік

1. Тал басында тізіліп,
   Он жапырақ тұр еді.
   Жел соқты да үзіліп,
   Ұшып кетті біреуі.
   Ізінше оның үзіліп
   Түсті тағы бесеуі.
   Тұр әлі де ілініп
   Жапырақтың нешеуі?
2. Бес бұтақты ағашта
   Бұтақ сайын екі алма.
   Біреуін бер Қанатқа,

Біреуін бер Саматқа,

Өзің алда біреуін,

Шатастырмай ал сана,
Сонда қалмақ неше алма?

3. Адам тамақ істерде ең бірінші қазанға не салады?
4. Қасқыр  мен түлкі олжаларына түскен 1 себет балықты бөліп жемекші болды. Есепті нашар білетін қасқыр ол балықтарды бөле алмаған соң, түлкіге бөлуді тапсырды. Сонда түлкі былай бөлді:
   1-еуі саған, 2-еуі маған,
   3-еуі саған, 4-еуі маған,
   5-еуі саған, 6-ауы маған,
   7-еуі саған, 8-і маған,
   9-ы саған, 10-ы маған.
   Қасқырда неше балық болды? Түлкіде неше балық болды?
5. Әлихан сыныпқа қуана кіріп, ертеңгі мереке күніне 1 күн демалатындарын 8 оқушыға сыбырлап айтты. Ал олардың әрқайсысы бір-бір оқушыға, олардың әрқайсысы екі-екі оқушыға жеткізді. Сонда сыныптағы барлық оқушы қуана шуласты. Сыныпта барлығы қанша оқушы болғаны?
6. Атасы немересіне бос бөшкені көрсетіп: «Мына бөшкенің ішінде не бар?» — деп сұрады. Немересі үңіле қарап:
   —    Еш нәрсе жоқ, бос қой, — дейді.
   —    Жоқ, балам, қателесесің, анықтап қарашы, ең керекті зат бар, — деді.
   Атасы нені айтып тұр? Ол қандай керекті зат?
7. Отбасында 7 ағайынды ұлдың бір-бірден қарындасы бар. Отбасында барлығы неше бала бар?
8. Қандай санның атының жазылуында қанша әріп болса, сонша цифр бар?

Жүргізуші:  Ашып тастап кең сарайын сырыңның,
Өмір жүгін осыдан сен ұғынғын.
Математика өміріңе зор қажет,
Сондықтан да сырын біл бұл ғылымның.