Білім айнасы газеті Республикалық газет 
Тәрбие — ұрпақты биік мұратқа жетелейтін сапалы білімнің тұғыры. Ұлттық құндылықтармен сусындап өскен ұрпақ ұлағатты болмақ. Дәл осы өскелең ұрпағымыз ұлттың сапасын құрайды. «Біртұтас тәрбие» бағдарламасын іске асыруда 2024-2025 оқу жылының басында №152 мектеп-гимназиясы «Бұрымды қыз- қашанда сұлу» жобасын ұйымдастырды.
Жобаға мектебіміздің 3-11- сынып аралығындағы бұрымды қыздары қатысты. Мектебіміздің бұрымды қыздары жобаға қатысып, өздерінің ой-пікірлерімен бөлісті. Осындай тәрбиелік мәні бар салт-дәстүрімізді дәріптейтін жобалар еліміздің басқа да мектептерінде өткізілсе деген мақсатта челендж жолдады.
Жобаны ұйымдастырудағы мақсат: қазақ қызына тән мінез-құлықты дәріптеу, салт-дәстүрімізді білу, құрметпен қарау, эстетикалық тәрбие беру.
Қыз баласына ерекше құрметпен қараған еліміз үшін бұл ұзақ жылдық, тәрбиелік мәні бар шара. Бұрым — қыздардың бойындағы жинақылық, сұлулық, тазалық, ибалылық қасиеттерімен бірге ұлтымыздың ерекшелігін көрсетеді.
Білімділік, тәрбиелілік, инабаттылық қасиеттері бойынан табылған нәзік жандылар- ең сұлуы емес пе?!
Қыз тәрбиесі-ұлт тәрбиесі. Қыз тәрбиесіне бей-жай қарамай, ұлт болашағына бірге жұмыс жасайық!
Алматы қаласы Алатау ауданы
№152 мектеп-гимназиясының ДТІЖО:
Тажибаева Сымбат Токабайкызы
Думшебай Айжан Әукенқызы
