Білім айнасы газеті Республикалық газет Қазан айының 01 мен 13-ші күндері аралығында «Өрлеу» біліктілікті арттыру ұлттық орталығы Акционерлік қоғамы Маңғыстау облысы бойынша педагогикалық қызметкерлердің біліктілігін арттыру институында Нұрова Рысгүл Жұмажанқызының жетекшілігімен «Өзін-өзі тану» пәнінен оқытудың ғылыми-әдістемелік негіздері» тақырыбындағы (72сағат) курстан өттім.
Курстан алған әсерім ерекше. Сабағымызды жақсы көңіл-күймен бастаймыз. Тыныштық сәтімен нұрға бөленеміз. Нұрға бөленгенде ерекше көңіл — күйде боламыз. «Өзін-өзі тану» пәнінің курсы арқылы рухани адамгершілік қасиеттер туралы терең түсіндік. Курс барысында «өзін-өзі тану» пәнінің әдістемелік тәсілдерімен таныстық. Топқа бөлініп, постер, презентация қорғадық, шаттық шеңберге тұрып, мұғалімдер бір-біріне жақсы тілектерін айтты. Ақиқатты тануға қызық тренингтер өткізілді. Сахналық көріністер көрсетіліп ерекше сезімде болдық. Мұғалімдер бір-бірімен пікір алмаса отырып, сабақтарға талдаулар жүргізді.
«Өзін- өзі тану» пәнінен ашық сабақ өткіздім. Курстың соңғы күндерінде республика бойынша пилоттық ұйым болып табылатын Ақтау қаласының №12 жалпы білім беру орта мектебінде 3 «А» сыныбында «Адам досымен мықты» деген тақырыпта ашық сабақ өткіздім. Сабағымның мақсаты: балалардың арасындағы жағымды қарым-қатынас орнату, бір-бірін сыйлауға, адал дос болуға және қоршаған ортамен дос болуға үйрету. Сабаққа А. Линкольнның « Адам өміріндегі ең тамаша нәрсе – оның басқа адамдармен қарым-қатынасы» деген сөзін дәйексөз етіп алдым. Ашық сабақта бейнеролик көрсетілді. Екі достың бір-біріне адалдығы туралы оқушылар түсініктерін мазмұндады және екі достың бір-біріне риясыз жанашырлық қасиеттерін бала бойына қалыптастырдым деп ойлаймын.
Нұрова Рысгүл Жұмажанқызының жетекшілігімен өткізген бұл курс жаңартылған бағдарлама жүйесінде өткізілді. Пәннің қыры-мен сырын толық меңгеріп, жан-дүнием рухани құндылықтарға байыды. Курсты мазмұнды, мағыналы өткізген Нұрова Рысгүл Жұмажанқызына алғысым шексіз.
Омурзакова Салтанат Джалгасовна
Мұнайлы ауданы «№ 14 жалпы білім беру
орта мектебі» КММ бастауыш сынып мұғалімі
