Әнім саған, Астана!

2017 жылдың 5 шілдесінде «Өрлеу» БАҰО» АҚФ «СҚО ПҚ БАИ» Елордамыз Астананың  19 жылдық мерейтойына арналған «Әнім саған, Астана!» casual-концерт ұйымдастырылды.

Жас Қазақстанның тарихы да бай. Қала 130 жыл бойы, Ақмола аталып келді. Одан кейін, Целиноград, Ақмола атанды, енді, Астана қаласы.

1998 жылдың 6 мамырында  Қазақстан Республикасы Президентінің Жарлығымен Астана деп ауыстырылды. 1998 жылы ЮНЕСКО-ның шешімімен Қазақстанның астанасына медаль беріліп, «Әлем қаласы» сыйлығына ие болды.

Барлық қатысушыларды филиал директорының оқу-әдістемелік жұмысы жөніндегі орынбасары М.Куантаева мерекемен құттықтап, қазіргі таңда Астана заманауи саяси, экономикалық және әлеуметтік-мәдени мәселелері бойынша түрлі кездесулер өтетін, көптеген шетелдік инвестициялар тартылатын, архитектуралық және ең батыл жобалар іске асырылатын еуразия кеңістігінің орталығы болып табылатынын ерекше атап өтті.

Астанаға арнап курс тыңдаушылары, филиал оқытушылары, тренерлер және бөлім мамандары «Қазағым»,  «Туған жер», «Астанаға арнау», «Қала гүлдері»,  «Сәлем астана», «Атамекен» және т.б. халық әндері мен заманауи әндерді орындады.

Концерт орындаушылар мен тыңдаушыларды сахна бөлмейтін, отбасылық сапамен ерекшеленетін сән үлгідегі casual форматында өтті.

Концерт «Жас ұрпақ» жастар бастамасының орталығымен ұйымдастырылған «Astana is my pride» керемет ұжымдық бимен аяқталды.

СҚО, Л.Альмагамбетова,

 «Мектепке дейінгі тәрбие және бастауыш білім беру»

кафедрасының меңгерушісі