Ұстаз еңбегі шәкіртімен елеулі

Қарахожаева Сабира ұзақ жылдардан бері Мұнайшы ауылында орналасқан «№7 орта метебі» КММ-де қазақ тілі мен әдебиет пәні мұғалімі ретінде ұстаздық қызметін атқарып келеді. Оқушыларға орынды талап қоя білетін, өз ісіне шебер ұстаз ретінде осы жылдарда талай балғын шәкіртті алдағы кезеңде кәдеге асар кәсіпке баулып, үлкен өмірге жолдама берді. Апайымыздың қолынан түлеп ұшқан шәкірттері бүгінде өз орнын тауып, сан-салалы жұмыс орындарында еңбек етуде. Сабира апайымыздың алдынан тәлім алып, игерген мамандығымыз негізінде жұмыс жасап жатқандығымыз үшін біз өзімізді бақытты санаймыз.
2011 оқу жылында мектеп бітірген жас түлектері атынан Қарахожаева Сабира апайға сапалы білім нәрімен сусындатқаны үшін шәкірттік алғысымды жеткізе отырып еңбекте табыс, отбасына амандық тілеймін. Сонымен бірге, өміріңіздің алдағы кезеңінде де саналы шәкірт тәрбиелеп, қанаттандырып ұшыра беріңіз деймін.

Халжанова Ақбөбек Арғынқызы,
«№7 орта мектебі» КММ география пәні мұғалімі