Ұстаздық еткен жалықпас

«Ұстазы жақсының, ұстамы жақсы » —  демекші, Жанар Садуакасова ерекше еңбегімен дараланып, алдыңғы қатардан көрініп жүр.
Өзінің педагогикалық еңбек жолында бөбектерге арналған «Ертегілер елінде» әдістемелік құралын құрастырып шығарды. Қалалық, облыстық тәрбиешілерге, ұстаздарға арналған семинар сабақтарында тәжірибесімен бөлісіп, жоғары деңгейде ашық сабақ өткізді. «Қазақстан патриоты » атты Республикалық журналына «Қарлығаш пен дәуіт » атты ұйымдастырылған оқу іс-әрекеті жарық көрді.
Жанар Садуакасова Ақсу қаласының 2 бөбектер бақшасында 9 жыл еңбек етіп, тәрбиеленушілер мен педагогтарға өз тәжірибесімен бөлісуде.
Педагогтың осы аталған ерен еңбектерін мақтан тұтамыз. Алдағы уақытта ұжымда жетістігі мол, шебер педагог мамандардың қатары көп болуына тілектеспіз.

Д.К. Талипова

«Ақсу каласының №2 бөбектер бақшасы» әдіскері

Н. Турсын, тәрбиеші