Ұстаз

Ұстаз — баланың алғашқы ірге тасын қалаушы. Шəкірттерінің санасын қалыптастырып,сауатын ашып, білмегенін үйретіп, өмірге тəрбиелейтін ұлы тұлға. Ұстаздық кез-келген адамның қолынан келе бермейтін жауапкершілігі мол қызмет. Өскелең ұрпақтың, өнерлі жастардың, өнегелі ұл мен қыздың болашаққа нық қадам жасауына тигізер үлесі зор. Елдің ел болып қалыптасуы, ұстаздың шəкіртке берген тəлімінде. Ұлағатты ұстаз сөзінің кереметі де осыдан. Бүкіл данагөй данышпан ғалымдардың өздері ұстаздан сабақ алып, тəрбиесін бойына жинап, қазірде үлкен жетістіктерге жетіп, əлемді бағындырып отыр. Оқытушы оқушыны түсіне білуі тиіс. Шəкіртінің ынта-жігерін оятып, демеу беретін əсерлі сөздерін аямауы керек. Сонда ғана баланың білімге деген қызығушылығы артып,үнемі ізденісте жүреді жəне мұғалім оқушыны əрдайым қанаттандырып,бағалап отыруы қажет.

Мұғалім елдің тынысы десек артық айтпаймыз. Ерді де, елді де тəрбиелейтін-ұстаз. Ұстаз — елдің ертеңі, бүгіні, болашағы!

Балсұлу Сабитова,
М.Исламқұлов жалпы орта мектебінің
қазақ тілі жəне əдебиет пəні мұғалімі