Білім айнасы газеті Республикалық газет
Д.А.Қонаев есімі Қазақстан халқымен
бірге жасары анық ақиқат.
Ол кісі бәрімізге ұстаз болған ұлы адам.
Н.Ә.Назарбаев
Елбасымыздың «Туған жер» бағдарламасы аясында жерге, елге, өлкеге деген шынайы патриотизмнің маңызды көріністерінің бірі-білім ордаларында 7-сыныптарда өткізіліп жатқан «Өлкетану» таңдау курсы. Әр дәуірге лайықты кемеңгер адамдар өмір сүреді. Қазақ халқының тарихында өзіндік орны бар, ел басқарған басшы, қоғам қайраткері, ақыл-парасатымен дараланған Дінмұхамед Ахметұлы Қонаев. Айлар алмасып, жылдар көшіп жылжыған сайын олардың даналығы ерекшелене түседі. Елі сағынады, халқы қадір-қасиетін адамгершілігі мен асыл бейнесін асқақтатады. Бұл күн бәріміздің биік парасат, асыл адамгершілік, халқына деген қамқорлықтың үлгісін таныта білген ұлы адамды сағына еске алатын күніміз. Осы орайда Ақкөл орта мектебінің 7-сынып оқушыларының қатысуымен «Өлкетану» таңдау курсына байланысты өткізілген «Қонаев-ұлы тұлға» атты тарихи-ескерткіш жанында еске алу кеші өткізілді. Іс-шара барысында оқушылар ұлы тұлғаға арнаған өлең шумақтарын оқыды.
«Өткендерін ескерген,
Өскендіктің белгісі.
Өткендерін ұмытқан,
Өшкендіктің белгісі», — демекші, заманымыздың ұлы кемеңгері Дінмұхамед Қонаевтың еліне еткен еңбегін өскелең ұрпаққа дәріптеу біздің парызымыз. Ұлыларымызды ұмытпайық!
Чултубаева Гульвира Орысбекқызы,
Жамбыл облысы, Таласа ауданы, Ақкөл ауылы
Ақкөл орта мектебінің
география пәнінің мұғалімі
