Білім айнасы газеті Республикалық газет 2017 жылдың 17-22 ақпан күні Ы. Алтынсарин атындағы дарынды балаларға арналған облыстық қазақ гимназия-интернатында ұлағатты ұстаз, еңбек ардагері — Жылқыбаев Мақажан Несіпбайұлының 80 жас мерейтойына арналған «Ұлағатты ұстазға мың тағзым» атты шахмат, волейбол турнир өткізілді. Турнирдің негізгі мақсаты: оқушылардың ақыл-ойларын, математикалық қабілеттерін дамыту, спортқа деген күш-жігер, ынталарын арттыру, ұлағатты ұстаздарды дәріптеу. Турнирде жалпы 13 команда бақ сынап, мықтылықтарын танытты. Бүгінгі таңда облысымызда шахмат үйірмелері ашылып, үш мыңнан астам оқушылар шахматпен шұғылданып, әлі де шахмат ойнаушылар саны артуда.
«Шахмат адамдарды тез ойлатады, шешім қабылдатады және қадам жасатады. Мен бүгінгі таңда Қазақстанның көптеген балаларының спорттың осы түрімен айналасатынына қуаныштымын» — дейді елбасымыз Н.А.Назарбаев. Мектебімізде шахмат турнирі алғаш рет өткізілуде. Шараның салтанатты ашылу рәсіміне құрметті қонақ ретінде ұлағатты ұстаз, еңбек ардагері – М.Ж.Жылқыбаев арнайы келіп қатысып, турнирге қатысушыларға сәттілік тіледі. Командалардың ұйымшылдығы, жеңіске деген талпыныстары ойын барысында анық байқалып тұрды. Турнир жеңімпаздары сый-сыяпатқа ие болып, турнир кубогі және мадақтамаларымен марапатталды.
Ы. Алтынсарин атындағы
дарынды балаларға арналған облыстық
қазақ гимназия интернатының
дене шынықтыру пәнінің мұғалімдері
С.К. Байжырыкова, А.С. Искаков
