Білім айнасы газеті Республикалық газет «Дарын» республикалық ғылыми-практикалық орталығы педагогикалық мамандықтың мәртебесін көтеру, дарынды балаларға арналған білім беру ұйымдары мұғалімдерінің инновациялық-педагогикалық қызметін, кәсіби шеберлігін дамытуға ықпал ету мақсатында «Алатау» шипажайы базасында (Алматы қаласы) дәстүрлі «Үздік авторлық бағдарлама» республикалық конкурсын өткізді.
Биылғы жылы конкурстың қорытынды кезеңіне 16 жұмыс, оның ішінде 2 командалық авторлық жоба ұсынылып, 18 мұғалім жолдама алды.
Конкурстың негізгі миссиясы – білім беру ұйымдарының талантты, шығармашылықпен жұмыс істейтін педагогтарын анықтау және қолдау, мұғалімдердің зерттеу және авторлық бастамаларының дамуына ықпал ету, дарынды балаларға білім берудің мазмұнын жетілдірудегі инновациялық идеяларды жинақтау және тарату.
Ұсынылған жұмыстар қабілетті, дарынды балаларды оқыту және олармен жүргізілетін оқудан тыс жұмыстардың түрлерін жан-жақты қамтыған. Жобалар әртүрлі формада берілген: жобаларды қорғау, оқу бағдарламалары, оқу-әдістемелік кешен және ұсыныстар, дидактикалық материалдар, мектепті басқарудың жаңа моделінің тұсаукесері, бейіндік пәндер, қолданбалы және арнайы курстар бойынша бағдарламалар.
Қазылар алқасы авторлық жобаларды бағалап, жеңімпаздарды Қазақстан Республикасы Білім және ғылым министрлігінің І, ІІ және ІІІ дәрежелі дипломдарымен және «Дарын» РҒПО-ның мақтау қағаздарымен марапаттады.
Біздің облыстан ІІ дәрежелі дипломдарымен Кинцель Наталья Васильевна, Кинцель Александр Евгеньевич — Степногорск қаласы, №6 мектеп-гимназиясының ағылшын тілі, биология пәндерінің мұғалімдері және Искакова Дана Манапқызы — Көкшетау қаласы (қазақ тілінде оқытылатын) дарынды балаларға арналған № 3 облыстық мамандандырылған мектеп-интернатының химия пәні мұғалімі марапатталды.
«Өз ісінің шебері» атты номинациясы бойынша Савельев Руслан Александрович – Көкшетау қаласы, М. Ғабдуллин атындағы №3 мектеп-гимназиясының физика пәні мұғалімі, Муканова Ризвангуль Жумабаевна— Егіндікөл ауданы, Көркем негізгі мектебінің педагог-психологы грамоталармен марапатталды, Мутасова Татьяна Борисовна — Көкшетау қаласы, №8 орта мектебінің бастауыш сынып мұғалімі және Муканова Жанылган Темиртасовна — Көкшетау қаласы «Өркен» №37 балабақшасының педагог-психологы.
Біздің жеңімпаздарымызды құттықтаймыз, болашақта шығармашылық табыс тілейміз!
Ақмола облыстық Баспасөз қызметі
