Білім айнасы газеті Республикалық газет Науқан
24 қараша күні Павлодар облысының «Экоboom» жобасы аясында Павлодар қаласы №7 Жалпы орта білім беру бейімдік бейімдеуге мамандырылған мектебі әкімшілігінің ұйымдастыруымен, 4 сынып оқушылары арасында «Құстарға кафе» науқаны өткізілді.
Акцияның мақсаты: оқушыларды табиғатты сүюге, құстарға ұя жасап, қамқор болуға тәрбиелеу және қоғамның назарын осы мәселеге аудару болды.
Сенбі күні өткізілген игі бастама балалардың ғана емес, ата-аналардың да қызығушылығын арттырып, оларға көтеріңкі көңіл-күй сыйлады. Мектеп оқушылары сынып жетекшілері және ата-аналарының қатысуымен құстарға тақтайдан әдемі ұялар жасап, оны сәндеп, мектеп ауласындағы ағаштарға бекітті. Сондай-ақ, қыстың аязы мен ызғарынан қорғанып, жаңа ұяға ұшып келген құстар үшін ыдыстарға жем қойылды.
«Тәрбие – тал бесіктен» дегендей, бұл күні жас жеткіншектердің ежелден табиғаттың сәні болып келген қанатты достарына қамқорлық жасауы – сәтімен жүзеге асты.
Баршагүл Төңкерханқызы,
ТЖДО
