Қауіпсіздік ережесін сақтаймыз

Мақсаты: Балаларды қоршаған ортаны қорғауға және қатерлі нәрселерден аулақ болуға үйрету.

Жүргізуші: Балалар, жан-жақтарына қарандаршы, қандай әдемі. Терезеге қарандаршы, күн алтын сәулесін шашып тұр. Ендеше қоршаған ортамен амандасып жіберейік.

— Армысыз, қайырлы күн!

— Армысыз, қайырымды Аспан ата!

— Армысыз, Мейірімді Жер ана!

— Армысыз, шұғылалы Алтын күн!

— Қуанайық, шаттанайық бәріміз.

Күліп шықты күн бүгін,

   Бәріміз күндей жарқырайық!

   Бәріміз тату болайық!

   Бәріміз дос болайық.

Жүргізуші: Балалар, тыңдаңыздаршы, біреу жылап жатқан сияқты. Мына жерде мысықтар жылап отыр ғой. Неге жылап отырсыңдар, мысықтар?

(Мысықтардың үйі қалай өртенгенін айтып беру)                          

Қ/О «Қайда телефон шаламыз?»

Тәрбиеші: Балалар, мысықтың бұл қылықтары дұрыс па, қалай ойлайсыздар?

Балалар: Дұрыс емес, үйде жалғыз қалғанда шырпымен ойнауға болмайды.

Тәрбиеші: Өртті немен сөндіруге болады?

Балалар: Сумен сөндіруге болады.

Балалар: Өрт сөндірушілер.

Тәрбиеші: Оларға өрттің болып жатқанын қалай айтамыз?

Балалар: 101 қоңырау шалып, қай жерде өрт болып жатқанын айтамыз.

Тәрбиеші: Дұрыс айтасыздар. Балалар, қарандаршы, мына марғаулардың біреуінің қолы жарақаттанып қалыпты. Мұндай жағдайда кімге қоңырау шаламыз?

Балалар: 103-ке қоңырау шалып, жедел жәрдемді шақырамыз.

Тәрбиеші: Жарайсындар! Балалар, мына мысық өзінің бір марғауын жоғалтып алыпты, енді не істейміз, қайда қоңырау шаламыз?

Балалар: 102-ге қоңырау шаламыз.

Тәрбиеші: Бұл кішкентай марғау алысқа ұзай қоймаған шығар. Мысыққа марғауын табуға көмектесеміз ба?

Балалар: Әрине, көмектесеміз.

Тәрбиеші: Олай болса кеттік. Балалар, біз қазір жолдан өтеміз. Жолдағы мына ақ жолақтар не үшін керек?

Балалар: Жолдың арғы бетіне өту үшін.

Тәрбиеші: Бәріміз бағдаршамға қарайық, қандай түс жанып тұр, не істейміз?

Балалар: қызыл жанып тұр, тоқтаймыз.

Тәрбиеші: Сары түс жанса не істейміз?

Балалар: Жүруге дайындаламыз.

Тәрбиеші: Олай болса, бір-біріміздің қолдарымызды ұстап, дайындалайық. Жасыл түс жанса не істейміз?

Балалар: Жасыл жанса жүруге болады.

Тәрбиеші: Кеттік, жолдан өтеміз. Қарандаршы, балалар, мына кішкентай марғау мына тастың түбінде отыр ғой. Жолдан өтуге қорқып тұрған сияқты, көмектесеміз бе?

Балалар: Иә.

(Балалар марғауға жолдан өтуге көмектеседі)

Тәрбиеші: Балалар, сонда да марғаулардың көңіл күйлері жоқ сияқты. Неге деп ойлайсыздар?

Бала/р: Оларға үй керек.                

Тәрбиеші: Олай болса мына кубиктерден марғауларға үй жасап берейік.

(Балалар кубиктерден марғауларға үй жасап береді).

Тәрбиеші: Жарайсыңдар! Балалар, біз мысыққа үй жасап бердік. Енді мысық пен оның балалары демалсын. Ал біз ойнауға барайық.

Қ/Ойындар: «Кім мерген?»: допты корзинаға дәлдеп лақтыру.

• Бір шелектен екінші шелекке суды төкпей тасу.
• Енді, балалар, бәріміз экранға қарап, бейнетаспаға назар аударайық.

Бейнетаспа: «Мен қауіпсіздік туралы не білуім керек?»

«Өрт қауіпсіздігі» туралы бейне таспалар қарау

Бейне таспадан суреттер қарау арқылы өрт кезіндегі жағдаяттардан қалай шығу керектігі туралы әңгімелесу.

Жүргізуші: Балалар, бүгін сіздер үлкен іс жасадыңыздар. Мысықтың марғауларына көмектестіңіздер. Қайда жүрсеңіздер де бүгінгі білген, көрген қауіпсіз ережелерді естеріңізден шығармаңыздар. Марғаулар, достар сау болыңдар!