Қазалыда Тұңғыш Президенті күніне орай баскетболдан аудандық жарыс өткізілді

Қызылорда облысы Аудандық білім бөлімінің ұйымдастыруымен Қазақстан Республикасының Тұңғыш Президенті күніне орай №266 мектеп-лицейде баскетболдан ер балалар арасында аудандық жарыс өткізілді. Екі күнге созылған жарыстың қорытындысымен І орынды №216 мектеп командасы, ІІ орынды №249 мектеп-лицей командасы, ІІІ орынды №234 мектеп пен №266 мектеп-лицей командалары иеленді. №249 мектеп-лицейдің оқушысы Жұбатқан Дамир «Үздік қорғаушы» , №266 мектеп-лицейдің оқушысы Алпысбаев Даурен «Үздік үйлестіруші», №234 мектептің оқушысы Есқуат Салауат «Үздік шабуылшы», №216 мектептің оқушысы Райымбердиев Мақсат «Үздік ойыншы» атанды. Жарыстың жеңімпаздары мен жүлдегерлері аудандық білім бөлімінің мадақтамаларымен және кубоктармен марапатталды.