Білім айнасы газеті Республикалық газет ЭКСПО халықаралық көрме – білімге, инновациялық шешімдермен алмасу, прогресті алға жылжыту және ынтымақтастықты дамытуға бағытталған әлемдік көлемдегі іс-шара.
Елордамыз Астана қаласында 10 – ы маусым күні бүкіләлемдік «ЭКСПО – 2017» көрмесі өз есігін айқара ашты. Бұл көрме мемлекетіміздің 25 жыл ішінде жеткен жетістіктері мен алға бастар тың жобалар, мақсат – міндеттерді барша әлемге танытудың тамаша мүмкіндігі. Көрменің басты тақырыбы – «Болашақ энергиясы». Ол халықаралық қоғамдастықтың планетаға күн өткен сайын әсер етіп отырған энергия тұтыну проблемасына алаңдаушылығын білдіреді. Көрменің басты мақсаты – жауаптылыққа шақыру, пікірталастар тудыру және адамдардың табиғат үшін келетін зиянды барынша азайтып энергия тұтынуды жоспарлап бақылау білуге үйрету білімін қалыптастыру. Осы мақсатта павильондар дайындауға 100 ел мен 10-нан астам халықаралық ұйым қатысуда. Бұл көрмеде ең үздік деп танылған отандық ғалымдардың 25 – 30 – ға жуық туындылары ел назарына ұсынылған.
1851 жылы Лондон қаласында өткен бірінші көрмеден бастап, ЭКСПО біздің мүмкіндіктеріміздің шекараларын кеңейтіп, орнықты даму мен халықаралық проблемалардың алдыңғы қатарлы шешімдерін табуға жаңа көкжиектерді ашады деген сенімдемін.
Т.Әубәкіров атындағы жалпы
негізгі білім беретін мектебі
«Балдәурен» лагерінің тәрбиешісі
Балтамуратова Айзат Жумагаликызы
