«Тәуелсіз елдің – тұңғыш президенті»

Семей қаласының №29 жалпы орта білім беретін мектебінде «Тәуелсіз елдің – тұңғыш президенті» атты лездеме өтті. Жиынның салтанатты түрде ашылуы әнұранның орындалуымен басталды. Мереке қазақ, орыс және ағылшын тілдерінде жүргізілді. Мерекелік құттықтау сөз реті мектеп директоры Толеубаева Гульжан Толеугазыевнаға берілді.  1 тоқсанның қорытындысы бойынша үздік сыныптар анықталып, мақтау қағаздары табысталды.

Қазақ халқының тұңғыш президенті Нұрсұлтан Әбішұлы Назарбаевтың өмір жолы, туып-өскен, оқып білім алған, қызмет еткен жерлері туралы мағлұмат берілді. Елбасының өмір жолынан  үлгі ала отырып, ержүректілікке, азаматтыққа, патриоттық сезімге тәрбиелеу мақсатында оқу мен тәрбие жұмыстарында ерекше көзге түскен дара оқушыларды «Жас Ұлан», «Жас Қыран» атты ББҰ қабылдау рәсімі өтті. 5 сынып оқушысы Ермекұлы Ерасыл жас ұланның антын қабылдады. Оқушыларға арнайы белгілер мен галстуктер табысталды. Оқушыларға ерекше жүк артылғанын олардың берген антынан-ақ байқауға болады. Жиын соңында «Жас Ұландық» өрендердің арнайы әнұраны орындалды.

Алгалиева А.Н.

№29 ЖОББМ қазақ тілі мен әдебиеті мұғалімі

ШҚО, Семей қаласы