Түрлі-түсті шарлар

Білім беру саласы: Шығармашылық

Бөлімі: Сурет салу.

Мақсаты: Балалардың ой-өрісін дамыту, шарлар әлемімен таныстыру, мерекелер туралы түсіндіру, балаларға сурет салуды үйрету; пішіндерді атап, ажырата білуге, есте сақтау қабілетін дамыту, түстерді атай білуге үйрету; жоғарыдан төмен қарай сызу арқылы сурет салуды, қылқаламмен жұмыс жасауды үйрету, көрсету; достыққа тәрбиелеу, әдемілікке, әдептілікке тәрбиелеу.

Алдын ала жүргізілетін жүргізілетін жұмыстар: шарлармен ойнайды.

Әдіс-тәсілдері: көрсету, қызықтыру, әңгімелеу.

Қажетті құрал-жабдықтар мен көрнекіліктер: ақ қағаз, карындаш,  акварель бояуы, су, сүлгі, қылқалам, түрлі-түсті шарлар, сурет, слайд.

Билингвалдық компонент: түрлі-түсті — разноцветный — multcolored, шар — шар — balls.

— Балалар, бүгін бізде ерекше күн. Өйткені бізге қонақтар келді.

Бәріміз «Шаттық шеңберге» тұрып, қолдарымыздан ұстап, келген қонақтармен амандасып алайық.

— Сәлеметсіздер ме, балалар!

— Здраствуйте дети!

— Hello children!

— Балалар шеңбер бойында тұрып, қонақтармен 3 тілде амандасады.

— Балалар, қараңыздаршы біз қандай геометриялық пішін жасап тұрмыз?

— Дөңгелек.

— Дұрыс айтасыңдар. (дөңгелек)

— Айналамызға қарайықшы (қоршаған ортаға). Қалай ойлайсыңдар, дөңгелекке ұқсас не көріп тұрсыңдар?

— Балалар жауаптары: доп, күн, шар т.б.

— Шарды біз қай уақытта пайдаланамыз?

— Ойын кезінде, мереке күндері безендіру үшін пайдаланамыз.

— Балалар, мынау шар. Шар резинадан жасалады. Шарға химиялық қоспалар қосып, түрлі-түсті бояулармен бояйды. Шарды үрлесек, созылады, үрілген шардың іші толы ауа болады, шарды қатты қыссақ, қысыммен жарылады, ине тықсақ, қатты тарс етіп жарылады.

— Қане, бәріміз ортаға жиналып, ауаға толы шар болып үрлейікші.

— Балалар ортаға жиналып, ашылады.

Ғажайып сәт:

Есік қағылып, топқа сайқымазақ жүгіріп кіріп, Тентекгүлден қашып айнала жүгіреді, Тентекгүл сайқымазақтың шарын жарып тастайды, Сайқымазақ отыра қап жылайды.

Балалар қызығушылықтарын білдіреді.

— Тентекгүл, сен неге Сайқымазақтың шарын жарып тастадың?

Тентекгүл: -Сайқымазақ мені өз мейрамына алып барғысы келмейді. Енді ол мейрамға шарларсыз бара алмайды.

— Балалар, Тентекгүлдің бұл ісі дұрыс па? — Жоқ.

— Сайқымазақ сен жылама, біз саған қазір түрлі-түсті шардың суретін салып береміз.

— Сен бізге уәде бересің бе?

Сайқымазақ: — Иә, қандай?

-Сен Тентекгүлді өз мерекеңе алып барасың ба?

Сайқымазақ: — Иә.

— Балалар, қараңыздаршы, Сайқымазақтың қолында неше шар бар?

Балалар: — Үшеу.

— Қане санайықшы, түстерін 3 тілде айтайықшы.

Балалар: -Сары, желтый, yeellow.-көк, синий, blue. — қызыл, красный, red.

— Біздің балалар – қолдарынан өнер тамған суретшілер, қазір біз сіздерге арнап түрлі-түсті шарлардың суретін салып береміз.

— Ең алдымен шардың суретін ауада салайық.

— Балалар қайталап, ауада сурет салады.

Бой сергіту: «Кім тез үрлейді?» дидактикалық ойын.

(Ауада қолдарымен шарды бейнелеп, көздеріне елестете үрлейді)

— Балалар тыныс алу жаттығуларын жасайды. Пішіндерін домалақ, сопақ, ұзын, ирек етіп, сурет салады.

— Қолымызға карындашты алып, ең алдымен сол жаққа, қағаздың ортасына, оң жағына шардың суретін салып аламыз, үрілген шарды жіппен байлап, жіптің суретін саламыз, енді шарды толығымен, өзімізге ұнаған бояумен бояймыз.

— Балалар жұмысқа кіріседі, Сайқымазақ пен Тентекгүл көмектеседі.

— Жұмысымыз аяқталса, шарларымызды жинап, Сайқымазақ пен Тентекгүлге берейік.

— Балалар жақсы көңіл күймен Тентекгүлге береді.

Тентекгүл: — Балалар, менде өзіммен бірге алып жүрген сиқырлы сандығым бар, сендердің суреттеріңді мен сиқырлы сандықшаға салып, сиқырлайын. Ақалай, мақалай, міне, оппа деп Сайқымазақ 3 түрлі-түсті шарды, сандықшаның ішінен алып шығады.

— Балалар қызығушылық танытады, қуанады.

Тентекгүл мен Сайқымазақ балаларға рахметтерін айтып, еңбектері үшін үрілмеген шарларды сандықтың ішінен алып шығып, балаларға сыйлайды.

Сайқымазақ пен Тентекгүл балалармен қоштасып кетеді.

Балалар ризашылықтарын білдіріп, қоштасады.

— Балалар бүгін бізге қонаққа кімдер келді?

— Сайқымазақ пен Тентекгүл.

— Сайқымазаққа қалай көмектестік?

— Сайқымазақ Тентекгүлді өз мерекесіне ертіп бару үшін, шардың суретін салып, сыйладық.

— Иә, балалар сендер бүгін жақсы жұмыс істедіңдер. Әр түрлі шарлар салдыңыздар, қараңыздаршы, айнала түрлі-түсті болып құлпырып кетті.

— Балалар салған суреттерін көрмеге іліп, өздері баға береді.

— Сау болыңыздар, балалар! — До свидания, Good bye.

Күтілетін нәтиже:

Нені біледі: мереке туралы мәліметтермен танысады:

Қандай түсініктерді игереді: есте сақтау қабілетін дамытады, шардың суретін салуды.

Меңгерген дағдылары мен іскерліктері: пішіндерді атап, ажырата білуге дағдыланады.

Венера Бахытжанқызы Казиева,
Орал қаласы, БҚО
№46 «Ақжайық» бөбекжайының
бейнелеу өнері пәні мұғалімі