Теңіз асты патшалығына саяхат  

Монтессори жүйесі бойынша ұйымдастырылған ашық оқу қызметі

Мақсаты: Балаларға теңіз туралы түсінік беру, теңіздің дауысын слайдтан естірту арқылы балықтардың теңізде мекендейтінін айтып түсіндіру. Балықтың құрылысымен таныстыру.Теңізді таза ұстауға, ластанудан сақтай білуге тәрбиелеу.

1-шеңбер.

Педагог: -Кәне,балалар бәріміз шеңберге жиналайық.

-Балалар, бүгін бізде ерекше оқу қызметі. Қараңдаршы, біздерге көптеген тәрбиеші апайлар қонаққа келіп отыр, кәне барлығымыз қонақтармен амандасып алайық.

-Сәлеметсіздер ме!

-Здаствуйте!

-Gud monnind!

-Жарайсыңдар,балалар!

-Балалар, кәне көздерімізді жұмайықшы.(слайдтан теңіздің дауысын естірту)

-Балалар, сендер ненің дауысын естіп тұрсыңдар?

-Иә, дұрыс теңіздің дауысы.

-Балалар, біз жазда қайда барып шомыламыз?

-Теңізге.

-Иә, дұрыс айтасыңдар!

-Олай болса теңіз асты патшалығына саяхатқа шығайық (релаксация жасату)

-Балалар, мына слайдқа назар аударыңдаршы.(слайдтан теңіздің және балықтың суретін көрсетеді)

-Теңізде не мекендейді?

-Балықтар.

Балықтарды орысша-рыба, ағылшынша – fish – ( фиш)

-Біздер қандай балықтарды білеміз?

-Бекіре, кефаль, сазан, майшабақ т.б.

-Балықтың, шикі түрі мен піскен түріне түсінік беру.

-Балалар, балықтар қайда тіршілік етеді?

-Теңізде.

Теңіз –море, sea-(сиа)

-Иә, дұрыс айтасыңдар.

-Балалар, мына шикі балықтың сыртын және ішкі қаңқасын көрсету, иісін иіскеп көріңдерші (балаларға иіскетіп көреді)

-Балықтан ненің исі шығады?

-Теңіздің исі.

Біз балықты көп жеуіміз керек,себебі: балықта адамға керекті көптеген дәрумендер бар.

-Балалар, піскен балықтың дәмін татып көрейікші (піскен балықтан балаларға дәм татқызады)

-Ал, енді мен сендерге балықтың презентациясын көрсетемін, сендер мұқият қарап алыңдар.

Ал, балалар, өздеріңнің қалаған орталықтарыңа баруларыңа болады.

Әр бала өздері қалаған орталықтарға барады. Көмек сұраған балаларға көмек беріледі тәрбиеші тарапынан.

2-шеңбер.

Қорытынды:

Оқу қызметінің соңында балаларды қоңырау соғу арқылы шеңбер бойына жинап оқу қызметін жәй әуенмен қорытындылайды.

-Біз бүгінгі оқу қызметінде қайда саяхатқа бардық?

-Теңізге.

-Теңізде нелер мекендейді?

-Балықтар.

-Қандай балық түрлерімен таныстыңдар?

-Бекіре, кефаль, майшабақ т.б.

-Теңіздің түсі қандай?

-Көк түсті.

-Балалар сендер бүгінгі оқу қызметінде балық түрлерімен танысып, қандай балықтың құрылысымен таныстыңдар?

-Кефаль.

-Балықтың несі бар?

-Басы, аузы, құйрығы, қаңқасы, көзі, желбезегі.

-Балалар, сендерге бүгінгі оқу қызметі ұнады ма?

-Балалар сендер бүгінгі оқу қызметіне жақсы қатыстыңдар.

Мен сендерге ризамын.

-Жарайсыңдар!

-Ендеше қонақтармен қоштасайық.

-Сау болыңыздар!

-Досвидание!

-Gyd bau!

Кулмурзаева Айтуган,
Қарақия ауданы, Құрық ауылы,
МКҚК «Айгөлек» балабақша тәрбиеші