Сәлеметсіз бе, дәрігер?

Мақсаты. Білімділік: Дәрумендер туралы білімдерін толықтыра отырып,
дәрігер туралы түсінік беру, оның қызметі мен құрал-жабдықтары туралы білімдерін жетілдіру.
Дамытушылық: Жұмбақ жасыра отырып ойлау қабілетін дамыту, ойын
арқылы сөздік қорын байыту.
Тәрбиелік: Тапсырмаларды беру арқылы ұқыптылыққа тәрбиелеу.
Әдіс-тәсілі: Сұрақ-жауап,әңгімелесу.
Көрнекіліктер: Денсаулық бұрышы, слайд, видеоролик.
Иновациялық-технология: Игровизор, боскобович кілемшесі және қыстырғыштары.
Билингвистикалық топтастыру: Дәрігер-доктор-doctore.
Сөздік жұмысы: Аурухана, дәріхана, дәрі

1. Шаттық шеңбер: Біз тәрбиелі баламыз,

Айтқан тілді аламыз.

Қонақтарды көргенде,

Сәлемдесіп аламыз.

• Балалар қазір жылдың қай мезгілі?
• Неше ай бар?
• Қалай аталады?

Балалар біз өткен оқу қызметінде дәрумендердің түрімен танысқан болатынбыз. Қане, есімізге түсіріп өтейікші?

• Қандай дәрумендерді білесіңдер?
• Азық-түліктерде қандай дәрумен болады?
• Ал енді осы дәрумендерді бізге кім береді?
• Дұрыс айтасыңдар. Бүгінгі біздің жаңа оқу қызметіміздің тақырыбы: «Сәлеметсіз бе, дәрігер» деп аталады.
• Балалар, мен сендерге жұмбақ жасырамын, шешуін ойланып отырып табайық. Мұқият тыңдаңдар.

2. Жаңа оқу қызметі:

Жұмбақ:

Ақ халат киетін,

Аппақ болып жүретін.

Таза болып жүргенді,

Өзі қатты сүйеді.

(Дәрігер)

• дұрыс айтасыңдар. Дәрігер-доктор-doctore.
• Дәрігер бізге не үшін керек?
• «Ауырып ем іздегенше, ауырмайтын жол ізде» деген. Ауырмау үшін, таза жүру керек, спортпен айналысып, дұрыс тамақтануымыз керек.

(Слайд арқылы түрлі дәрігерлермен таныстыру, суреттер көрсетіп түсіндіру)
Видео ролик: «Дәрігер» (Свинка пэппа балалар мультфильмі)

• Балалар, мультфильмедегі торайдың іс-әрекеті дұрыс па?
• Үйде, балабақшада немес далада ойнағанда қауіпсіздік ережелерін сақтау керек. Әйтпесе жарақаттанып қаламыз.
• Дәрігер торайға көмектесе алды ма?
• Дәрігер мейірімді, жақсы екен.
• Балалар дәрігерге бармас үшін біз дұрыс, жағымды әрекеттер жасауымыз керек.
• Жағымды әрекеттер жасау үшін біз спортпен шұғылданып, дұрыс тамақтанып, күн тәртібін сақтауымыз керек.
• Қане, біз осыларды сақтаймыз ба, тақтаға шығып көрсетейікші.

4. Тапсырма: «Жағымды, жағымсыз әрекет»

Мақсаты: Балалардың ойлау қабілетін дамыту, есте сақтауға үйрету.

5. Серігіту сәті:

 Орнымыздан тұрайық,

Жаттығу жасап алайық.

1,2,3-1,2,3

Бойға жинап күш.

Оң қолымызды созайық

Сол қолды да созайық.

1,2,3-1,2,3

Терең тыныс алайық

Уф-уф-уф

Орнымызға отырайық.

6. Көрініс: Сюжеттік ойын: «Аурухана»
   Мақсаты: Балаларды мәнерлеп, байланыстырып сөйлеуге үйрету. Ұжымдық ойнауға тәрбиелеу.

7. 2-тапсырма: «Дәрігердің құралдарын тап, сызу арқылы көрсет »

Мақсаты: Балалардың ойлау қабілетін дамыту. Дәрігерден қорықпауға, дәрігердің құралдарын атай алуға үйрету.

• Балалар алдымызда берілген игровизорды қолдана отырып, дәрігердің құралдарын сызып көрсетейік.
• Кім тақтаға шығып көрсетеді?
• Тамаша, жарайсыңдар балалар! Міне, бүгін дәрігер жайлы көптеген мәліметтер алдық. Ал, дәрігерге бармас үшін денсаулығымызды күтеміз.

8. Қорытындылау: Балалар, бүгін барлықтарын оқу қызметіне жақсы қатыстыңдар, белсенділік көрсеттіңдер. Сол себептен біздің дәрігер апаймыз сендерге дәрумендер беріп жіберді.

  Қонарбекова А.Қ
Астана қаласы әкімдігінің
№ 36 «Балапан» балабақшасы МКҚК