Білім айнасы газеті Республикалық газет «Өрлеу» БАҰО АҚ филиалы СҚО бойынша ПҚ БАИ қабырғасында ҚР Тәуелсіздігінің 25 жылдығы қарсаңында «Қазақстан-менің мақтанышымның, махаббатым мен үмітімнің елі» атты панорамолы кітап көрмесі ұйымдастырылды.
Тәуелсіздік күні – бұл ерекше мерекелердің бірі. Орын алған ширек ғасыр ішінде біздерді жоғары отансүйгіштік сезімдерге, еліміз үшін мақтанышқа, ұлы өзгерістер мен жетістіктерге итермелейді.
Тәуелсіздік – қасиетті ұғым, сәулелі құбылыс. Сандаған ғасырлар мен замандар бойы бабаларымыздың асыл арманы болған – Тәуелсіздік ақ қанатты періште сипатында халқымыздың басына бақ болып қонды.
Ата-бабамыздың армандап өткен Тәуелсіздікке де қол жеткелі міне 25 жыл толыпты. Аталар арманы орындалып, халқымыздың мерейі үстем. Осы уақыт ішінде еліміз көптеген табыстарға қол жеткізді. Қазіргі таңда тәуелсіз Қазақстан әлем таныған елге айналды. Қазақстан дербес, өзге елдермен терезесі тең мемлекет. Әрине тәуелсіздік оңайлықпен келген жоқ.
Көрменің мақсаты – Тәуелсіздік алғаннан кейінгі Қазақстанның дербес мемлекет ретінде қалыптасу тарихына шолу жасау, сындарлы жылдар ішінде Қазақстан Республикасының Тұңғыш Президенті Н.Ә. Назарбаевтың кемел саясаты мен ерен еңбегі арқасында еліміздің жеткен жетістіктері мен толайым табыстарын таныту.
