Білім айнасы газеті Республикалық газет Қалалық форум
Сәрсенбінің сəтті күні Астана қалалық оқушылар сарайында рухани жаңғыру аясында балалар мен жасөспірімдердің «Жалын» патриоттық қозғалысы экспедициялық іздестіру отрядтарының қалалық форумы өтті. Астана қалалық Білім басқармасы мен «Балалар мен жасөспірімдердің туризм жəне өлкетану» орталығы ұйымдастырған форумға қаладағы білім ошақтары мен Еуразия гуманитарлық институтының колледжі студенттерінен құралған отрядтар қатысты. Екі кезеңге бөлінген сайыс түрінен жеңімпаз атанған 6 топ сахнада өз жұмыстарын таныстырып өтті. Бірінші кезеңде І орын алған ЕАГИ, ІІ ОРЫН алған 13 орта мектеп, ІІІ орынды 50 орта мектеп иеленді. Екінші кезеңде 16 орта мектеп І орын, ІІ орынға 32 орта мектебі, ІІІ орынды 58 мектеп гимназиясының «жігер » отряды иеленді. Жеңімпаздар қалалық білім басқармасының мадақтама қағазы және сыйлықтармен марапатталды.
Әлия Ғалымбек,
Астана қаласы
