Мәңгілік ел сарбаздары

        14 желтоқсанда Астана қаласының № 77 мектеп-гимназиясының тарихында тұңғыш рет кадет сыныбы ашылды. “Рухани жаңғыру” бағдарламасының аясында, Тәуелсіздігіміздің 26 жылдығына, Астана қаласының 20 жылдығына арналған «Мәңгілік ел сарбаздары» атты тақырыпта патриоттық маңызы зор салтанатты жиын өтті. Іс-шарада өзгерістерде қаймықпайтын, еңбекқұмар, білімге құштар, өзін-өзі жетілдіруге үнемі ұмтылатын, өршіл, қайсар етіп тәрбиелеуде дәстүрімізде ұлттық және жалпыадамзаттық құндылықтарымызды қастерлейтін рухани дүниесі кең тұлғаны қалыптастыруды көздейтін Кадет сыныптары қатарына 9 «Б» сынып оқушыларын қабылдау рәсімі өтті. Салтанатты жиынға генерал-майор Адырбеков Дулат Темиргалиевич, Астана қаласы білім басқармасының Алғашқы әскери дайындық бөлімінің әдіскері Шарыпов Сергей Қасымұлы, Астана қаласы Қорғаныс істер департаментінен Артыков Ғани Асылбекович және де 20 мектептен келген Алғашқы әскери дайындық жетекшілері, сонымен бірге бес кадет сыныптарының оқушылары, ата-аналар қонақта болды. Салтанатты жиын ант берумен, оқушылардың дефилесімен, концерттік бағдарламамен жалғасты. Келген қонақтар оқушыларымызға көк байрағы желбіреген, бүгінгідей абыройлы да айбынды, беделді де берекелі, ынтымағы мен бірлігі жарасқан еліміздің тәуелсіздігімен құттықтап, ақ тілектерін айтты. Оқушыларымыздың көздерінен қуаныштың белгісі байқалып тұрды. Алғашқы әскери дайындық пәнінің жетекшісі Әміржанов Алдан Сабырұлының жас жеткіншектерді тәрбиелеудегі жұмысына толағай табыс тілейміз.

Ділдахан Майра,

77 мектеп-гимназиясының 11 сынып оқушысы,

Астана қаласы