Білім айнасы газеті Республикалық газет 
Мақсаты: Балалардың жуан және жіңішке дыбыстарды ажырата білуін үйрету, қимыл қозғалыстарын дамыту, есту, көру, қабілетін жетілдіру.
Балалар музыкалық аспаптың таяқшалары арқылы өздері ойнауларын қадағалау үйрету.
Көрнекілік: металлофон, барабан, сылдырмақтар, себет.
Әдіс тәсіл: көрсету, үйрету, ойнау, қайталау.
Сөздік жұмыс: жуан, жіңішке.
Оқу іс-әрекет барысы: Балалар шеңбер бойымен жүріп келеді. Шеңберден шықпай, тізбектеле жүруін, тұлғаларын түзу ұстап, бастарын көтеріп жүрулерін қадағалайды.
Кіріспе бөлім: Дыбыспен жаттығулар: «а», «о», «у». Шаттық шеңбер бойымен тұрып, ән айтады:
Көркем сөз: Жәй және тез.
Шапалақта қолыңды
Жай, жай, жай,
Міне, былай!
Шапалақта қолыңды:
Тез-тез-тез!
Тез-тез-тез!
Алға қарай адымда:
Жай, жай, жай,
Міне, былай!
Жолыңнаң еш жаңылма
Тез-тез-тез!
Тез-тез-тез!
Негізгі бөлім:
Балаларды орындықтарына үстел басына отырғызу.
– Балалар бүгін біз барабан мен металлофонда ойнаймыз.
– Балалар ,қараңдаршы, бұл не?
– Барабан.
– Балалар,барабанның дыбысын естиміз (тәрбиеші барабан соғады).
– Барабанның дыбысы «тук-тук» деп шығады.
– Оның дыбысы жуан.
Көркем сөз:
Барабанның дыбысы
«тук-тук» деп шығады.
Балалармен ло бірге
Көңілді ойнайды.
Тук-тук-тук,
Тук-тук-тук.
– Ал, балалар, мынау не?
– Металлофон. Металлофонның дыбысы жіңішке.
Көркем сөз:
Қараңдаршы балалар,
Металлофон деген аспап бар.
Таяқшаны аламыз,
Әдемі әуен шығарамыз.
– Енді металлофонның дыбысын естиміз (металлофонды таяқшамен соғу).
– Қандай дыбыс шығады?
– Әр баламен жеке барабанның, металлофонның дыбысын соғу арқылы есту.
Ән жетекшісі пианино мен жуан және жіңішке ноталары орнына дыбыстарды ойнайды. Балаларға жуан нота ойнағанда
– Аюға.
Жіңішке нота ойнағанда
– қоянға ұқсайтыны түсіндіру.
– Қорытынды: Балалар бүгін өте көңілді биледі, ойнады.
– Балалар, бүгін біз қандай аспаптармен ойнадық?
– Барабан.
– Металлофон.
– Олар қандай дыбыс шығарады?
Барабан-жуан «тук-тук»- деп дыбыс шығарады.
– Металлофон жіңішке дыбыс шығарады.
Сылдырмақ пен би.
Сылдырмақты алайық,
Ақырындап қағайық,
Жайлап билеп көрейік,
Ырғағына ерейік,
Шақ,шақ,шақ.
Сылдырмақты алайық,
Қатты қатты қағайық,
Күрестіріп табанда,
Билейік табанда,
Так,тақ,тақ.
Күтілетін нәтиже.
Білуі: барабан мен металлофонды таяқшамен соғуды білді.
Меңгеруі: барабан жуан дыбыс, металлофон жіңішке дыбыс шығаратынын меңгерді.
Жасай алды: ойыншықтармен қимыл әрекеттер жасай алды.
Хуснутдинова А.Х,
«Үміт» мамандандырылған балалар үйі,
Тараз қаласы
