Білім айнасы газеті Республикалық газет 
28 желтоқсан күні Оңтүстік Қазақстан облысы, Шымкент қаласының ұстаздарының мерейі үстем болды. Қала әкімі Нұрлан Ермекұлының алғыс хатына ие болған ұстаздар кездесу кешінде үлкен әсерде қалды. Қалалық білім бөлімінің басшысы Жанат Тажиева 2017 жылды қорытындылап, жоғары көрсеткіштер үшін ыстық ықыласқа бөленді. Оқу жылында пән мұғалімдері арасында өткен олимпиадада жүйрік шыққан 13 педагогты және мектепке дейінгі мекемелердегі үздік қызметкерлерді құттықтап, Алғыс хаттармен марапаттады. Сонымен қатар, облыстың «Ең үздік мектеп директоры» мәртебесіне — №90 жалпы орта мектебінің директоры Арман Орынбеков Шымбайұлы лайық деп танылды. Салтанатты жиында жыл бойы атқарылған жұмыстар мен маңызды бастамалар талқыланып, алдағы жылға жоспар-міндеттер қойылды. Білім саласының қызметкерлері қала әкіміне сауалдары мен ұсыныстарын айтты. Шымкент қаласынан «Ұстаздар» музейін ашу ұсынысы көпшіліктен қолдау тауып, әкім мырзаға үлкен оң ой туғызды. Қала әкімі де өз сөзінде өзінің үздік оқушы болғанын айтып, залдағы педагогтарды үлкен әсерде қалдырды. Жиынға қатысқандар 2017 жылдың жетістіктеріне нүкте қоя отырып, 2018 жыл білім беру саласы, әкімнің өз қолдауымен оң өзгерістерге өзгеретінін, жетістіктері өткен жылдан да асып жығылатынын іштей түсініп қайтты.
Айдарбеков Елдос Сейділдаұлы,
№90 жалпы орта мектеп,
ОҚО, Шымкент қаласы
