«Мен бақытты баламын»

Аружан: Армысыздар құрметті көрермендер, ата-аналар және ұстаздар! Бүгінгі «Мен бақытты баламын» атты ән кешіне қош келдіңіздер!

Данара: Концертімізді бастамас бұрын №50 мектеп-лицей директоры Болатаева Роза Әбіләкімқызына сөз кезегін берсек (Директор сөйлейді…)

«Тепеңкөк» және «Келіншек» күйлері ойналады.

Аружан:

Бейне нұрлы көкте күн,

Білсең өмір – көктемің.

Айқара ашып есігін,

Хош келдің! деп мектебің.

Өміріміздің есте қалатын балғын шағымыздың куәсі – мектебіміз.

Аружан: Ендеше, Данара, осындай керемет мектебімізде көктемнің шуақты күнінде өткелі отырған кішкентай бүлдіршіндеріміздің өнерін тамашалайық!

(Ән: «Ассалаумалейкум!»)                                                                                                                      

— Сіздердің тыңдаған әндеріңіз «Ассалаумалейкум». Орындаған Мештаев Әділбек.  Данара: Келесі кезекте алдарыңызға «Тұлпарым» әнімен Алдияр мен Жанбатырды шақырамыз.

– Әже – Анамыздың анасы. Қайда жүрсек те қасымыздан табылатын, жүрегінің жылуын аямайтын аяулы жан. Біздің 2-ші анамыз.

– Білесің бе, Аружан, мектепке немерелерін жетектеп жүретін қамқоршы әжелеріміз де аз емес. Сондай бақытты немеренің бірі – біздің Камила.

– Олай болса «Сағындым әже» әнімен Сабырбаева Камиланы қарсы алыңыздар!

– Данара, сен қазақтың ұлттық аспаптарын білесің бе?

– Иә, әрине білемін.

Мысалға (домбыра, қобыз, шертер, жетіген)

Ал сен жетіген аспабында ойнай аласың ба?

— Жоқ, мен ойнай алмаймын. Бірақ маған сол аспап өте қатты ұнайды.

Ұнаса қазір жетігеннің дауысын тыңдайсың. Қарсы алыңыздар! «Бүлдірген» әнімен алдарыңызда – Қайратқызы Амира.

Биылғы жылы мектебіміз көптеген жетістіктерге жетті, соның ішінде өнер саласын алып қарайтын болсақ, «Шаттық-2017» Қалалық байқауында күміс медаль жеңіп алған вокалдық ансамбль бар. Қазір сол топтың әнші аруларын ортаға шақырайық.  Халық әні: «Қараторғай». Қарсы алыңыздар!

Аружан:      

Анасыздар, әр үйге панасыздар,                                                                                     

Бала десе от болып жанасыздар.                                                                                                        

Сәтті басса ұрпағың,- мерей тасып,                                                                                                       

Қыз күлкісін сусын қып қанасыздар.

Данара:

Анасыздар — Ақ Еділ, Жайықсыздар                                                                                      

Жүзе алмайды өтінде қайықсыздар.                                                                                  

Маздататын, жүректе от лаулататын,                                                                                                              

Әр үйдің Күні десе,- лайықсыздар.

Алдарыңызда «Анашым» әнімен – Жұмат Сержан.

(«Буратино» 3 «А» сынып оқушылары.)

Аружан:

Мен қазақ қыздарына қайран қалам,                                                                              

Жанары, жаны жаздай жәйраңдаған.                                                                                                        

«Қыз өссе — елдің көркі…» деген сөзді                                                                                          

Қапысыз қалай айтқан қайран баба

Данара: Ортаға «Мен қазақтың қызымын» әнімен Мейримханова Мерейді шақырамыз. Домбырамен ән салып, өнер жолында жүрген қазақтың қыздары қаншама. Өскенде Қарақаттай әнші боламын дейтін кішкентай бүлдіршіндер де аз емес. Солардың бірі – Балым. Келесі тыңдайтын әндеріңіз – Тәттіхан Балымның орындауында «Бипыл» әні. Қарсы алыңыздар!

Біздің мектепте әжесін сыйлап, қатты жақсы көретін балалар көп екен. Арусана да өз әжесіне арнап ән салмақ. Қарсы алыңыздар! «Әжетайым» әнімен – Арусана.

Аружан:    

Астанам! Ару қалам, асқақ ордам,                                                                              

Қалың жұрт, қазағыма қақпа болған.                                                                                            

Данара:    

Ту ұстап, тұлпар мінген бабаларым,                                                                                  

Бермеген ел намысын жатқа қолдан.                                                                                                                   

—— Алдарыңызда «Астана» әнімен кіші вокалдық топ. Қарсы алыңыздар!                                                                                                                          

Аружан: Баланың қылығы тәтті, былдырлап сөйлегені тәтті. Қаз-қаз басып, тәй-тәйлап жүргені тәтті. Әрбір ата-ана өз баласының қылығына қызығы, тамсана қарайды. Осында отырған барлық адамдар сондай бақытқа бөленгендері сөзсіз.                                               

Данара: Иә, Аружан, кішкентай сәбилердің барлық жасаған қылықтары тәтті. Ендеше ортаға «Тәтті» әнімен қылықты қыздарымызды шақырайық!

Данара: Шіркін, керемет табиғат аясында арқаңды кеңге жайып, таза ауада демалғанға не жетсін.                                                                                                                                                  

Аружан: Иә, кезінде ата-бабаларымыз жазда жайлауға барып демалатын болған.  

Данара: Неге кезінде? Қазірдің өзінде барады. Және тек аталар, әжелер ғана емес, кішкентай балалар да барып жүр.                                                                                                        

Аружан: — Иә, иә. Енді есіме түсті. Жақында ғана Амірхан барып келген. Сенбесеңіздер өзі айтып берсін. Ән: «Жайлауда» — Ибраев Амірхан.                                                                      

Аружан: Жігіттің құны – жүзжылқы.                                                                                                

Данара: Ел мақтаған жігітті қыз жақтаған.                                                                                  

Аружан: Бойдақ жігіт – жұрт күйеуі.                                                                                                    

Данара: Жігіт адамға жетпіс өнер де аз.                                                                                  

Аружан: Қарап отырсақ жігіттер туралы аз мақал айтылмапты.                                            

Данара: Иә, тепсе темір үзетін жігіттердің бары рас.                                                                    

Аружан: Сондай жігіттер біздің мектебімізде де бар.                                                                              
Данара: Ендеше қарсы алайық! «Алға қазақ жігіттері» 2 «А» сынып оқушылары

Жоғарыда айтқан жетістіктердің бірі «Шаттық – 2017» хор ұжымдарының арасынан біздің мектептің ортаңғы топ хоры Күміс медаль иеленді. Олай болса кезекті хорға берейік.

Сүлейменова Анаркуль Серикбаевна

Райымбек батыр атындағы №50 «Қазғарыш» мектеп-лицейі

музыка пәні мұғалімі

Астана қаласы