Білім айнасы газеті Республикалық газет Оқу іс — әрекетінің тақырыбы: Менің отбасым.
Мақсаты:
- Отбасы және отбасы мүшелері жайлы түсініктерін қалыптастыру.
Көрнекілігі: отбасы мүшелерінің сюжеттік суреттері.
Оқу іс — әрекетінің барысы:
- Ұйымдастыру кезеңі
Шаттық шеңбері
— Балалар, дөңгелене тұрып, шаттық шеңберін құрайық. Бір — бірімізбен амандасып, жылы тілектер айтайық.
— Сәлеметсіздер ме! Қайырлы таң! Қайырлы күн!
— Сіздерді көргеніме қуаныштымын.
— Енді бір — бірімізге мақтау сөздер айтайық.
— Сен әдемісің, мейірімдісің, денің сау болсын, сен ақылдысың.
— Ал сендер үйлеріңде бір — бірлеріңе қандай жақсы сөздер айтасыңдар?
— Қайырлы таң, әкетайым, анашым!
— Қайырлы күн, асыл әжем, аташым!
- Топқа бөлу
- Топ басшыларын сайлау
- Алтын ереже
- Үй тапсырмасы «Нан» туралы өлең жатқа айту
- «Ой сергек» Суретпен жұмыс (слайд)
Топтасып көрейік: 2 топ сурет бойынша әнгімелейді
Кіріспе әңгіме
— Мені үйдегі үлкендер «құлыншағым», «ақылдым менің» деп еркелетеді.
— Бір үйде қандай адамдар тұрады?
— Бір үйде бір — біріне жақын адамдар тұрады.
— Оларды атаңдар.
— Атасы, әжесі, әкесі, анасы және олардың балалары.
— Дұрыс айтасыңдар, осы адамдар отбасын құрайды. Олар — отбасы мүшелері. Сендер де отбасыларыңның бір мүшесіңдер.
Негізгі бөлім.
а) Отбасы мүшелері бейнеленген суретпен жұмыс. Жетекші сұрақтар арқылы жаңа тақырыптың мазмұны ашылады.
— Отбасы мүшелері қайда тұрады?
— Отбасы мүшелері бірге, бір үйде тұрады.
— Олар қалай тұрады?
— Отбасы мүшелері тату — тәтті тұрады.
ә) Сөздік жұмысын жүргізу.
Нағашы ата — анасының әкесі.
Нағашы әже — анасының анасы.
Немере — ұл — қыздарынан туған бала.
б) «Ойлан, тап» тапсырмасын орындау.
— Балалар, менің айтқандарымды мұқият тыңдап, кім туралы айтып тұрғанымды ойланып табыңдар.
Қатал көрінгенімен өте мейірімді. Кітапты көп оқиды, бау — бақшаны баптайды. Немерелерін жақсы көреді. Ол кім?
— Ата.
— Өздеріңнің аталарың туралы әңгімелеңдер.
— Өзі мейірімді, әрқашанда қатық — майы, ірімшігі, қант — кәмпиті дайын. Ол кім?
— Әже.
— Ал сендердің әжелерің қандай?
- Шытырман арқылы әжесінің үйіне апаратын жолды бояу.
в) Жазбаша жұмыс
- Сергіту жаттығуын орындау.
- Шығармашылық жұмыс: сурет бойынша сөйлем құрастыр
- Оқу іс — әрекетін қорытындылау. Оқушылардың отбасымен түскен суреттерімен қорытындылау,әңгімелеу.
— Отбасы мүшелерін атаңдар.
— Отбасы мүшелері бір — бірімен қалай тұрады?
- Рефлексия
- Мадақтау
