Менің отбасым (нәтиже сабақ)

Оралбаева Аида Серікбайқызы

Жамбыл облысы, Қордай ауданы,

 Қордай ауылы, №2 Михаил Ломоносов

атындағы орта мектептің қазақ тілі пәнінің мұғалімі

Сынып: 3.

Сабақтың мақсаты:

Білімділік: оқушылардың берілген тақырып бойынша алған білімдерін пысықтап қорыту. Өз беттерінше жұмыс жасай білуге дағдыландыру.

Дамытушылық: оқушылардың есте сақтау қабілеттерін жетілдіру, ой-өрістерін кеңейту. Сөздік қорларын байытып, тілдік мәдениеттерін қалыптастыру.

Тәрбиелілік: тәрбиелік мақсатта әңгімелер айту, отбасына деген сүйіспеншілікті, үлкенді сыйлау, кішіге қамқор болу керектігі жайлы сөз қозғау.

Сабақтың түрі: нәтиже сабақ.

Сабақтың әдісі: сұрақ-жауап, тест.

Сабақта қолданылатын жабдықтар: тест тапсырмалары, карточкалар, оқулық.

Сабақтың барысы:

І. Ұйымдастыру кезеңі. Психологиялық ахуал орнату (1мин.).

Қайырлы күн деп айтамыз,

Түсте бірге қайтамыз.

Отбасының гүліміз,

Көңілді өтсін күніміз.

1. Үй тапсырмасын тексеру:

— Үйге қандай тапсырма берілді?

— Тапсырманы дерлік орындадық па?

— Қане, олай болса, үй жұмысын тапсырайық (тапсырманы жалпылай сұрақтармен және жекелеп сұрап шығу), Оқушылар үйге берілген мақал мәтелдерді жатқа оқиды (7мин.). Жарайсыңдар, балалар. Балалар мақал-мәтелді жаттапсыңдар. Ал, тағы үйге не берілді? Ия, дұрыс, үйге шағын эссе жазып келу болатын. Кім туралы? Ия, анамыз бен әпкеміз туралы. Қане, кім бастайды?

VI Миға шабуыл. Тақтадағы суреттер кімнің заты екенін табу (3 мин.).

Көзілдірік

Тоқыма жіптері

ұшақ

қолшатыр

тақия

доп

орамал

камаз

айна

Жарайсыңдар, балаллар. Бәрін таптық. Ал бұл кісілер кімдер?

III. Топқа бөлу. Бағалау парақшасын беру (5 мин.).

Сиқырлы алма. Жасыл бірінші топ. Сары  алма екінші топ.

“Сиқырлы ағаш” ойыны.

Ойынның мақсаты: Оқушыларды сұраққа жауап бере білуге үйрету.

Ойынның шарты: Тақтаға қатты қағаздан жасалған алма ағашы ілінеді. Алмалардың сыртында бір сұрақтан жазылады. Тақтаға шыққан оқушы алманы алып, сұраққа жауап береді. Егер оқушы сұраққа дұрыс жауап берсе, алманы өзіне қалдырады. Мұғалім әр оқушының еңбегін бағалайды.

Сұрақтар:

1. Сенің отбасың қандай?
2. Отбасыңда неше адам бар?
3. Сенің әкең кім болып жұмыс істейді?
4. Сенің анаң кім болып жұмыс істейді?
5. Сенің анаң неше жаста?
6. Сенің әкең неше жаста?
7. Сенің әжең кім?
8. Сенің қарындасың бар ма?
9. Отбасың тату ма?
10. Сен анаңа қалай көмектестің?
11. Сенің атаң бар ма?
12. Сенің інің балабақшаға бара ма?
13. Сенің әпкең студент пе?
14. Сені мектепке кім әкеледі?
15. Оқулықпен жұмыс. Мәтінді аудару (3 мин.).

I топ.

Это — наша семья. В семье пять человек. Это — бабушка, отец, мама, старшая сестра и я. Старшая сестра учится в школе. Она — ученица. Сестре 13 лет.

II топ.

Наша семья большая. В семье семь человек. Это дедушка, бабушка, отец, мать, брат, сестренка и я. Брат — студент. Сестренка учится в 1классе. Я учусь в 3 классе.

1. Суретке қарап әңгіме құрау (5 мин.).
2. Өзіндік жұмыс (5 мин.).

I топ Отбасындағы әйел кісілерді тәуелдейді. Ана, әпке

II топ Отбасындағы ер кісілерді тәуелдейді. Әке, аға

VIII. Сергіту жаттығулары (1 мин.).

«Ду қол шапалақ» балалар, қазір мен сендерге сұрақ қоямын. Сұраққа ия деп дауап берсек орнымыздан тұрып қол шапалақтаймыз.

1. Кім анасына ұқсайды?
2. Кім әкесіне ұқсайды?
3. Кім мақал-мәтел біледі?
4. Кім спортпен шұғылданады?
5. Кім анасына көмектеседі?
6. Кім інісіне қамқор болады?
7. Кім отбасын жақсы көреді?
8. Постер жасау. Суретті сипаттау (3 мин.).

Әже мен әке

1. «Шалқан» ертегісі (5 мин.).

Автор:

Ерте, ерте, ертеде. Бір ата мен апа өмір сүріпті. Ата есіктің алдына шалқан егіпті. Ол шалқан үлкен болып өсіпті.

Ата: Ой, бәрекелді, менің еккен шалқаным үлкен болып өсіпті. Бәріне жететін болды.

Автор: Осылай ата еңбегіне қуанып шалқанды тартпақшы болады. Әрі тартады, бері тартады, шалқанды жұла алмай қояды. Сөйтіп көмекке кемпірін шақырады.

Ата: — Ойбай, шаршап кеттім, белім де ауырады. Қой көмекке кемпірді шақырайын. Кемпірім, кемпірім, көмекке келші, қарашы, шалқанымыз үлкен болып өсіпті, Жалғыз өзім тарта алмай қойдым. Кел, екеуміз бірге тартайық!

Апа: — Ой, шынында үлкен болып өсіпті ғой! Кел, тартсақ тартайық!

Автор: — Осылайша атаның артынан ұстап әрі тартады, бері тартады. Бірақ шалқанды орнынан қозғалта алмайды. Апа қызын көмекке шақырады.

Апа: — Қызым, қызым, бізге көмекке келші. Атаң еккен шалқанды жұла алмай жатырмыз.

Қыз: — Жарайды, апа, сізге көмектесемін.

Автор: Сонымен қызы көмекке келіп, шалқанды рет-ретімен тартады. Бірақ күштері жетпейді. Сонымен қыз көмекке інісін шақырады.

Қыз: — Інім, інім көмекке келші.

Інісі: — Мақұл, әпке, көмектесемін.

Автор: — Інісі қыздың етегінен, қыз апасының етегінен, апа атадан, ата шалқаннан ұстап ары тартады, бері тартады, солай шалқанды суырып алыпты. Бұл ертегіден балалар не байқаймыз? Отбасы тату болу керектігін түсінеміз.

1. Нәтиже сабақ (5 мин.).

Тест сұрақтарына жауап беріңдер.

1. Отбасы мүшелерінің атауын тап.

а) әке, шеше, ата, апа

ә) табиғат, орман, өзен

б) мектеп, тақта, кітап

в) дүкен, асхана, шаштараз

2. 2. Жуан дауысты дыбыстарды тап

а) а, ә, о, ы

ә) а, о, ұ, ы

б) е, и, ы, і

в) о, ө, ү, ұ

3. І жақ зат есімнің тәуелдік жалғаулары?

а) ің, ың, ң

ә) іңіз, ыңыз

б) м, ім,ым

в) сі, сы, ы,і

4. 4. Менің отбасым шағын (аудармасы).

а) Моя семья не большая

ә) В моей семье 6 человек

б) Это моя семья

в) Наша семья

5. ІІ жақ зат есімнің тәуелдік жалғаулары

а) ің, ың, ң

ә) іңіз, ыңыз

б) м, ім,ым

в) сі, сы, ы,і

6. ІІІ жақ зат есімнің тәуелдік жалғаулары?

а) ің, ың, ң

ә) іңіз, ыңыз

б) м, ім,ым

в) сі, сы, ы,і

1. Сабақты бекіту (5 мин.).

— Біз қандай модульді аяқтадық?

— Бұл модульде қандай жаңа сөздермен таныстық?

— Отбасы дегенді қалай түсінесіңдер?

— Өз отбасыларың туралы не айта аласыңдар?

1. Рефлексия.

YIII. Үйге тапсырма: Әке мен аға туралы шағын эссе жазып келу.

YIII. Сабақтың соңы.