Менің балабақшам

Мақсаты: Балабақшаға деген сүйіспеншілігін дамыту, өзінің балабақша ұжымының мүшесі екенін санасына сіңіру, достық қарым-қатынас сезімдеріне тәрбиелеу.

Мұғалім: Сәлеметсіңдер ме, балалар?

Көңіл күйлерің жақсы ма?

Балалар бүгін ерекше күн. Біздің сабағымызға көптеген қонақтар келіп отыр, олай болса қонақтармен сәлемдесіп алайық.

Балалар: Сәлем беріп сіздерге,

Бас иеді ұл мен қыз.

Болашағы Отанның,

Азаматы біздерміз.

Мұғалім: Жарайсыңдар, балалар! Балалар бүгінгі сабағымыздың тақырыбы «Менің балабақшам» деп аталады. Балабақша — бұл біздің екінші үйіміз. Біз таңертең балабақшаға келіп күні бойы осы жерден тәлім-тәрбие аламыз, ойыншықтар ойнаймыз, тамақтанамыз, сондықтан да балабақшаны екінші үйіміз деп айта аламыз. Ендеше балалар барлығымыз бір-бірімізге, қонақтарға жақсы көңіл — күй сыйлайықшы.

Балалар: Еліміз тыныш болсын,

Отбасымыз аман болсын,

Дастарханнан дәм кетпесін,

Көңілімізден мән кетпесін.

Мұғалім: Рахмет, жарайсыңдар.Балалар, сендер күнде қайда келесіңдер?

Балалар: Біз балабақшаға келеміз.

Мұғалім: Ертеңгісін балабақшаға келгенде достарымызға не дейміз?

Балалар: Қайырлы таң!

Мұғалім: Жарайсыңдар,балалар. Балабақшада сендер не істейсіңдер?

Балалар: Балабақшада біз білім аламыз,тәтті тағамдар жейміз, ойыншықтар ойнаймыз.

Мұғалім: Жарайсыңдар,балалар. Ендеше келген қонақтарға тақпақ айтып берейік.

1-ші бала: Әдемі балабақшам бар,

Деп мақтанам бәріне.

Меңгерушісі балабақшамның.

Көрікті де сәнді де,

Шаршамаңыз Елена Викторовна,

Бізге тәлім беруде!

2-ші бала: Әдіскері бақшамның,

Жайдары жүз, ай қабақ.

Наталья Ивановна ханымымыз,

Жүреді бізді аймалап.

3-ші бала: Балабақша есігін,

Сәби болып ашқанбыз.

Балапандай өсірген,

Тәрбиешіме мың алғыс.

4-ші бала: Тыңдаушы мойнында,

Өлшеуіші қолында.

Ақ халатты дәрігер,

Әрқашан өз орнында.

5-ші бала: Аспазшымыз ақ жүзді,

Келбетті де, мейірімді.

Бізге тамақ әзірлер,

Тамақтары тәп-тәтті.

6-ші бала: Еденді кім жуатын,

Жолатпай шаңды қуатын.

Тазалықшыға мың алғыс,

Көрінбей жүріп тұратын.

Мұғалім: Жарайсыңдар, балалар.Балабақша туралы әдемі тақпақтарыңды оқыдыңдар. Ал енді, Орнымыздан тұрайық,

Оңға, солға қарайық.

Тақпақ айтып шаршадық,

Біраз сергіп алайық.

Сергіту сәті: Бір топта біз нешеуміз?

Ғажайып сәт: Есік қағылып,топқа Қызыл телпек кіреді.

Сәлеметсіңдер ме, балалар?(үш тілде). Мен сендерге қонаққа келдім. Балабақшаларың қандай әдемі! Балабақша туралы айтып беріңдерші.

Бала: Біздің балабақша үлкен.Біз білім аламыз.Ойыншықтармен ойнаймыз.Тамақ ішеміз. Балабақша бізге өте ұнайды. /Ай лайм киндерланд./

Мұғалім: Сендерді кім тәрбиелейді?

Балалар: Тәрбиешілер.

Қызыл телпек: Рахмет,балалар.Сендер балабақшаларын туралы көп біледі екенсіңдер.Ал, мен сендерге ғажайып жапырақтарды тере келдім. Бұл жапырақтарды сендерге сыйға тартамын,бірақ менің бір шартым бар. Кімде – кім тапсырмаларды орындай алса, сол балаға жапырақтарды тарту етемін.Мен тапсырмаларды беремін, ал сендер тәрбиешілерімен орындайсындар.

1-тапсырма: Жыл мезгілдерді ата.

Балалар: Жаз мезгілі.Күз мезгілі.Қыс мезгілі. Көктем мезгілі.

2-тапсырма: Күз мезгілі туралы әңгімеле.

Балалар:Күз мезгілі.Күзде ауа-райы салқын болады. Жапырақтар сарғайып жерге түседі.Күзде жемістер мен көкөністер піседі.

3-тапсырма:Жемістерді ата.

Балалар: Қызыл алма.Сары алмұрт.Қызыл шабдалы.Дәмді жүзім.

4-тапсырма:Көкөністерді ата.

Балалар:Үлкен орамжапырақ.Кішкентай сәбіз. Қызыл бұрыш.Орташа картоп. Кішкентай пияз.

Мұғалім:Жемістер мен көкөністердің ерекшеліктерін атаңдаршы?

Балалар: Жемістер талда, ал көкөністер жерде өседі.

5-тапсырма. Отбасы туралы айтып бер.

Балалар:Бұл –отбасы.Отбасымда алты адам бар.Олар: әкем, шешем, атам, әжем, әпкем, ағам. Біздің отбасымыз тату.

-Олар не істейді?

Дидактикалық ойын: Артығын тап.

Қызыл телпек: Жарайсыңдар, балалар!Өте ақылды екенсіңдер.Балабақшаларың да маған өте ұнады, әдемі таза. Ал мен енді үйіме қайтайын. Достарыма сендердің балабақшаларың туралы әңгімелейтін боламын. Мына тәттілерді әжем сендерге беріп жіберді.Сау болыңдар!

Балалар: Сау болыңыз!

Мұғалім: Ал енді балалар бүгінгі сабағымызды аяқтаймыз.Сабақтың сонында балабақшаға деген жақсы тілектерімізді айтайық.

Балалар: Балабақшамыз гүлдене берсін,

Аман болайық,

Достарымыз көп болсын!

Мұғалім: Бүгінгі сабағымызды бағалайық.(көңілді, көңілсіз смайликтер).

Келгендеріңізге рахмет! Сау болыңыздар!

Омарова Жазира Мұхамбетрахимқызы,
қазақ тілі мұғалімі.