Білім айнасы газеті Республикалық газет Қызылорда облыстық білім басқармасына қарасты оқу орталығының ұйымдастыруымен 22-ші қараша күні Қызылорда қаласындағы «Алтын ұя» балабақшасында «Көшбасшы әдіскер, креативті тәрбиеші, дарынды бала» тақырыбы аясында шығармашылық апталық өткізілді.
Апталықтың мақсаты: Республикалық білім беруді және ғылымды дамытудың 2016-2017жж арналған мемлекеттік бағдарламасына сәйкес:
- Жаңашыл іс-тәжірибелерді насихаттау;
- Балаларды сапалы мектепке дайындауға бағытталған инновациялық әдістер мен технологияларды енгізу;
- Баланы мектепке мақсатты түрде дайындау тәсілдерін жетілдіру;
Шығармашылық апталықтың облыстық кезеңіне «Мен көшбасшы әдіскермін» ТЕDx форматында балабақша әдіскерлерінің жаңашыл идеяларының презентациясы бойынша барлық ауданнан 8 үміткер, «Мен креативті тәрбиешімін!» Start-up идеялар жәрмеңкесі бойынша барлық ауданнан 8 үміткер, «Мен дарынды баламын…» Балапан NEWS форматында дарынды балалар кастингіне барлық ауданнан 10 дарынды бала және «Шығармашылықтың шексіз әлемі» көрмеүздік дидактикалық материалдар көрмесіне 11 үміткер мектепке дейінгі ұйым қатысты.
Шығармашылық апталықтың соңында төрт номинация бойынша жеңімпаздар марапатталып, барлық қатысушыларға белсене қатысқандары үшін сертификаттар берілді.
«Мен көшбасшы әдіскермін» номинациясы бойынша — Қармақшы ауданы, № 1 санаторлық ясли-бақшасының әдіскері Акимова Мереке.
«Мен креативті тәрбиешімін!» номинациясы бойынша — 1. Қызылорда қаласы, «Ер Тарғын» балабақшасының тәрбиешісі Жолаева Лаула.
- Қызылорда қаласы, «Алтын ұя» балабақшасының тәрбиешісі Уразбаева Гүлнұр.
«Мен дарынды баламын…» номинациясы бойынша – Арал ауданы, «Қарлығаш» балабақшасының тәрбиеленушісі Нұртайқызы Нұрсезім, Қызылорда қаласы «Алтын ұя» балабақшасының тәрбиеленушісі Алмасбек Сабыржан және «Ер Тарғын» балабақшасының тәрбиеленушісі Жәнібек Жания.
«Шығармашылықтың шексіз әлемі» номинациясы бойынша – Жалағаш ауданы, №7 «Шұғыла» бөбекжайының тәрбиешісі Тұрсынова Назгүл, Қызылорда қаласы, «Алпамыс» балабақшасының тәрбиешісі Серікова Гүлсезім, Қызылорда қаласы, «Алтын ұя» балабақшасының тәрбиешісі Хиноятова Қанзира марапатталды.
Әлібек ҚУАНЫШ
Білім айнасы,
Қызылорда қаласы
