Білім айнасы газеті Республикалық газет 
Білім саласы: Коммуникация, Таным, Шығармашылық
Бөлімі: Тіл дамыту (кіріктірілген сабақ)
Мақсаты: Көктем мезгілі туралы білім-дағдыларын тереңдету, сөйлеу мәдениетін, ойлау, есте сақтау қабілеттерін бекіту, ойланып толық жауап беруге баулу. Сурет бойынша әңгімелеуге,ертегі құрастыруға дағдыландыру.Бір-бірімен достық қатынаста болуға, ортаға деген сүйіспеншілікке, өз істеріне сүйсіне білуге, қамқорлыққа тәрбиелеу.
Көрнекіліктер: судың,құстың даусы жазылған үнтаспа, геометриялық пішіндер, үлгі, қиылған шөп, желім, салфетка, ермексаз, тақтайша, қағаз.
Билингвальды компонент: Су-вода, құс-птица,құстар-птицы.
Тәрбиешінің әрекеті
Әуенмен балаларды кіргізу.
Балалар, қараңдаршы бүгін ерекше күн, өйткені бізге қонақтар келді.
Сәлемдесейік!
«Шаттық шеңберін» құру.
Қуан, шаттан, алақай,
Қуанатын келді күн.
Қайырлы таң,қайырлы күн!
Күліп шықты күн бүгін.
Бір-бірімізге тілек білдірейік.
Балалар, сендер де елімізге елеулі,халқымызға қалаулы үлкен азамат болыңдар!
Ал енді отырып әңгімелесейік.
Сұрақ-жауап.
— Бір жылда неше жыл мезгілі бар?
— Бір жылда 4 жыл мезгілі бар
— Қандай мезгілдер екенін кім айтады?
— Көктем, жаз, күз, қыс мезгілдері деп аталады.
— Қазір жылдың қай мезгілі?
— Қазір көктем мезгілі
— Көктемде қандай өзгерістер болады?
— Көктемде қар ериді.
— Көктемде күн жылына бастайды.
— Көктемде ағаштар бүршік атады.
— Көктемде жаңбыр жауады.
— Көктемде шөп шығады
— Көктемде қараторғай ұшып келеді.
— Көктемде жер жыртады
— Көктемде дән себеді
— Көктем, көктемнің ерекшеліктері не айтуға болады?
Мақал-мәтел, жаңылпаштар, тақпақтар айтады.
Отырғыз ағаш көктемде,
Жөң болмақ еңбек еткенің.
Келмесе шамаң еккенге,
Сындырма жұрттың еккенін.
Балалар-ау, балалар,
Шақырады далалар.
Көктем келді гүл алып,
Көктем келді жыр алып.
Көктем, көктем, көктемде,
Құстар келіп жеткенде.
Қуанып бір қаламыз,
Әнмен қарсы аламыз.
Мақал-мәтел
«Еңбектің наны тәтті, Жалқаудың жаны тәтті»
«Көктемнің бірінші белгісі: қар еріп, су болады»
Үнтаспадан сылдырлаған су даусы естіледі.
Су туралы зертханалық жұмыс
Балалар сылдырлаған су екенін айтады.
Мынау таза су. Су мөп-мөлдір. Су сұйық, ағызсақ төгіледі. Суыққа қойсаң мұз болып қатады. Теңіз болып толқиды. Ауаға бу болып ұшады. Мын суға бояу қоссам боялады. Судың иісі, дәмі жоқ. Суға ауыр затты салсаң батады. Ал суға жеңіл затты салсақ жүзеді.
Тағы не айтуға болады?
Жуыну үшін керек.
Тазалық үшін, тамақ пісіру үшін, гүлдерді, ағаштарды, егіндерді суару үшін керек.
Жақсы, балалар, су тіршілік үшін қажет.
Мақал-мәтел айта қойыңдар
Тіл ұстарту жаттығуы
Су – өмірдің көзі
Желбірейді ту
Таза болсын су
Қалың болсын ну
Сен қолыңды жу
Құлпырады бақша-бау
Болсын денің сау!
- Құстар ұшып келеді
— Балалар, ал мынау ненің даусы?
— Қандай құстарды білесіңдер?
— Бұл – құстардың даусы
— Қарға, сауысқан, торғай, қарылғашты білеміз.
— Қане, құстар туралы не білеміз?
Құстар биікке ұшады, жемді шоқып жейді, балапан басады
— Құстардың қандай пайдасы бар?
— Құстар ағаштарды қорғайды, құрт-құмырсқаны жейді.
Келіп көктем құстары,
Бау-бақшада ән салды.
Оларды жас достары,
Ұя жасап қарсы алды.
Құстар туралы тақпақтарды кім айтады?
Қоныңдар, құстар, қоныңдар,
Бәріңе төрден орын бар.
Қанатты барлық достарға,
Балалар, қамқор болыңдар!
Қандай тыйым сөздер білеміз?
— Құстың ұясын бұзуға болмайды,
Құстардың жұмыртқасын сындыруға болмайды.
Құсты таспен атуға болмайды.
Слайд көрсету.
Жаңылтпаш айтпайсыңдар ма
Дидактикалық ойын:
«Өз пішініңді тап»
Мақсаты: Байқампаздыққа тәрбиелеу. Дұрыс тұрды ма тексеру.
Күн жарқырап шөп шығады
Сергіту жаттығуын жасату.
Күнді маркермен бояңдар,шөпті жапсырыңдар.
Көрме ұйымдастыру.
Ойын орталығы:
Ойын ; «Дауысынан таны»
Санамақ арқылы кім ойынды бастайтынын табады.
Ойнайық та ойлайық,
Байлап қойып көзімді,
Қоршап тұрмыз айнала.
Атыңды атап шақырған
Айтшы, кәне, қай бала?
Қорытынды орталық:
Тіршілік қуану үшін… «ауа, су және күн» сөздерінің көмегімен суретті қолданып, тәрбиешінің көмегімен шағын «ертегі, немесе әңгіме» құрастыру.
Ауасыз жер бетінде тіршілік жоқ.
Ерте, ерте ,ертеде осыдан көп жыл бұрын су болмапты.
Құстар қайтты?
Ағаш не істеді?
Гүлдерге не болды?
Әбден шаршаған құстар желден көмек сұрады?
— Жел көмектесе ме?
— Содан кейін не болды?
Бәріміз бірге айтайықшы;
Жел соғады гу-гу,
Тырс-тырс, жаңбыр жауады
Тырс –тырс,тырс-тырс,
Бұл дұрыс! Бұл ырыс?
Мына өлең жолын айтайықшы;
Көктем келді шуақты,
Балаларды қуантты.
Алақай, алақай!
Көктем келді!
Күтілетін нәтиже;
Бала білу керек: Табиғат, қоршаған орта туралы мәліметтерді және көктем мезгілінің ерекшеліктерін білді.
Бала игеру керек: Құстар, көктем мезгілі туралы мақал-мәтелдер мен өлеңдерді игерді.
Бала жасай білу керек: Құстарға қамқорлық бағытындағы еңбек әрекеттерін. Балалардың құзіреттілігін дамыту бағыттында түрлі дидактикалық ойындар өткізілді.
Динара Мұратжанқызы Акпанова,
Шыңғырлау ауданы әкімдігі білім беру
бөлімінің «Арай» бөбекжайы»
МКҚК тәрбиешісі,
Ақшат ауылы, БҚО
