Көктем келбеті

Мақсаты: Балаларды көктемгі табиғатта болатын құбылыстар мен өзгерістерді тануға және ажыратуға үйрету. 

Дамытушылық: «Көбік құммен жұмыс жасау арқылы баланың сенсорлық қабілетін, ойлау, сөйлеу қабілетінің белсенділігін арттыру. Сурет салуға деген қызығушылықтарын, шығармашылық қабілетін дамыту. Қолдың бұлшық еттері мен саусақтарының ұсақ маторикасын дамыту. 

Тәрбиелік: Табиғатты аялауға тәрбиелеу. Көбікпен салынған сурет және қағаз бетіне салынған суреттердің айырмашылықтарын салыстыру. Ұқыптылыққа тәрбиелеу.

Ұйымдастыру кезеңі:

Балалар: Сәлеметсіздер ме? 

Шаттық шеңбері:

— Балалар, біз таңертең тұрғанда аяғымызбен бірінші нені басамыз?

— Жерді басамыз.

— Терезеге қарағанда ең бірінші нені көреміз?

— Көк аспанды, содан кейін күнді көреміз.

Онда біз көк аспанымызда Жер-Анамен, Күнмен амандасайық.

Армысыз, Қайырымды Көк-Аспан!

Армысың, мейірімді Жер-Ана!

Армысың, шұғылалы Алтын күн!

Жұмбақ жасыру.

-Көктем мезгілде табиғатта қандай ерекшеліктер болады?

Дидактикалық ойын: «Жыл мезгілі»

Ойынның мақсаты: Көктемгі табиғатта болатын құбылыстар мен өзгерістерді тануға үйрету.

Ойынның барысы: Фланелеграф тақтасына көктем мезгілінің ерекшелігін бейнелейтін суреттерді жапсыру керек. 

Ғажайып сәт:

Топқа тамшы кіріп келеді.

-Тамшы: Сәлеметсіңдер ме, балалар!

-Мені таныдыңдар ма?

-Мен – тамшымын, сендердің балабақшаларыңа қонаққа келдім.

-Жаңбыр жауғаннан кейін аспанда не пайда болады?

Кемпірқосақ.

— Балалар, тамшыға Кемпірқосақ суретін салын берейік. Кемпірқосақты түрлі-түсті көбікпен салатын боламыз. Кемпірқосақтың неше түсі болады?

— Түстерін атаңдар?

Қағаз бетіне кемпірқосақ суретін салады. 

Ойын: «Күн мен жаңбыр»

Ойынның барысы: Музыка әуенімен Күн дегенде балалар қолын жоғары көтеру керек, ал жаңбыр дегенде қолшатырдың астына тығылуы қажет.

Тамшы: Балалар, Маңғыстауда Каспий теңізі бар екенін естіген едім, бірақ теңізге барып көрмеппін, теңіз туралы кім мәлімет берер екен.

Тәрбиеші: Тамшы дұрыс айтасың біздің Каспий теңізіміз бар. Ол өте әдемі және үлкен. Жағажайда жатып демалып суға шомыласың. Ақтау – өте әдемі қала. Теңіз жағасында демалатын және балалар ойнайтын алаң бар. Каспий теңізіне қыста аққулар келеді, теңіздің суы қасиетті, киелі саналады.

-Балалар, теңізді өз қолымызбен тамшыға жасап берейік. Ол үшін бізге кинетикалық құм, суда өсетін шарлар керек болады. 

Ойын: «Жағажай»

Тәрелке бетіне құм және шарларды қойып, жағажай жасайды. Су бетіне дайын балықтарды қояды.

Тамшы балаларға алғысын айтып топтан шығып кетеді. 

Қорытынды

Балалардың алған білімдерін сұрақ-жауап алмасу арқылы қорытындылайды. Қандай ойын ойнағанын, кімге көмектескенін сұрап балаларды мадақтап, мақтайды.

Бердімуратова Альфия Куанышбаевна,

№5 «Балбөбек» балабақшасы,

Психолог,

Маңғыстау облысы, Мұнайлы ауданы